💫 وجدت حيث أنتمي 💫.
✨فاقد للحب مفتقدة للحنان✨
الجزء : 1 ❤️وجدت حيث أنتمي❤️
بقلم : هبة شاكر
فأحد الأحياء شعبية بمدينة الدار البيضاء العاصمة الاقتصادية للمغرب ، وسط دار بلدية متكونة من طابقين كانت مستلقية على سريرها فكل هدوء تارن منبهها و أيقضها من أحلامها كمشات ملامحها بانزعاج ، مدات يديها وطفات الغيفاي وناضت كتكسل خدات لاتخوس ديالها وفوطتها و تمشات باتجاه الحمام دارت روتينها الصباحي رجعات لبيتها لبسات جلابتها باش تمشي تسخر للفطور كان هدوء يعم المكان الكل صابح ناعس ليوم الأحد بوحديتها فايقة بكري توجهات عند مول الحانوت وقفات عليه بابتسامة بشوشة
.... : صباح الخير العربي لاباس كيدايرة حليمة و مالين دار
رد عليها مول الحانوت بضحكة تابانت ليه ضرسة العقل مسوسة
العربي: صباح الرباح وتيسير الالة احلام لاباس على لي صبح على هاد زين كي بغيتيه يكون .
أحلام (ضحكات) :سير الله يمسخك لعنب كيكون غافصيف نتا عندك على طول العام
العربي : ايوا اش حب الخاطر الالة البنات ،
احلام : عطيني كيلو لا ربع ديال سميدة دالحرشة وجوج خمارات و طاسة دجبن وباكية دلفرماج العربي :هي اللولة
خدات سخرة وخلصاتو ورجعات لدار و زنقة خاوية كتصفر مشات لكوزينة حيدات جلابتها و وقفات كتصايب فحريشات صغار معمرين بجبن كيف تيعجبو جداتها و جدات اتاي وبدات تاتحط فطبلة دلفطور فطرات وغطات طابلة بمنديل كبير تايفيقو ويفطرو ومشات لصالة تاتحيد طلامط ولغشاوات دلمخاد معولة تخملها هزاتهم هوما و المانط و غشاوات فراشها و طلعاتهم لسطح ورجعات باش تهز سدادر بقات معافرة تطلعاتهم يتشمشو وهوما وطوابل عاد رجعات لزربية تاهي طلعاتها هبطات تجيب لبستيلية شافتها :
بقفيطن دراندة و دزارة مطروزة و زي دحياتي كانت مرا ستينية كتبان فوجهها صرامة واثار زمن و تجاعيد العمر مشات احلام باتجاهها هزات يديها وقبلاتها احتراما
وقالت : صباح الخير الميمة كي صبحتي ،
شافت فيها حداها لالة هنية بصدمة : ماعرفت اش طرا وجرا تتنزل عليك هاد صواب ياكما شي حمار مات ،
عوجات احلام فمها وقالت: وكيما درنا معاكم وحلة راه صاوبت لفطور انطلع نصبن راه ديك صالة راه ولات حالتها
ردات عليها لالة هنية بجفاء : اديريها مزيانة ايوا الله يعاونك على تمارتك ،
تنهدات احلام وطلعات تقضي شغلها طلقات شعبي فكاسك بلوتوت وبدات خدمتها ومرة مرة كتبدا تغني بصوتها شجي و تشطح بمهارة مكملات تا حمات شمس وأذن ضهر سالات وسيقات سطح وهبطات مكفضة سوالها و كمامها، مشات لكوزينة تشرب عطشات لقات عمتها كالسة كتنقي لعدس دايرة رفيسة وجداها كالسة كطرز ولماعن دلفطور باقين فوق طبلة تادخلات عليهم بنت فاوائل العشرينات شعرها زعيعر قصير وعويناتها زورق متوسطة طول وغليوضة كتجر رجليها وكتفوه..
ايمان : كاين شي فطور ،
حياة ( عمتها) : دخلي الحبيبة كاين وايلا ماكان نكونو لبنتي شحال عندي من ايمان ديالي
ايمان: يخليك ليا ازين
احلام ( شافت فبهم مقندشة) : قولي غا صباح الخير تريكة ناقصة يخخ غسلي غير وجهك ونتي كتقيلي خامرة تا كطفى شمعة عاد كتنوضي
حياة ( بحدة) : ديها فسوق راسك تنوض معاياش مابغات
أحلام: دويت معاك مدويتش معاك دويت معاها هي لاش خاشية كرموستك
ناضت لالة هنية وهضرات بصرامة: لا نوضي طيري عليها ريشيها حسن هاك ( مدات ليها عكازها) هاكي ضربيها عطيها شي قتلة صح مايتمكن ولاهيلا هادشي لي بقا غا طايفو فوق راسي يا شيخات نوضي كملي تخمالك ونتي دوري شوفي رفيستك ونتوما كتنوضو تفرجو فيا جيران كل نهار ونتي دوزي تجغددي وشوفي ماتقضي...
ناضت احلام بنترة دخلات لصالة غطات تلفازة و جابت الكرسي وقفات عليه مسحات ترية من لغبرة وبدات تاتحك الحيوط و تحيد العنكبوت من لقنات و جابت سطل وبدات تسيق وتكرط كترد حرها فشقا سالات وهبطات سدادر وجابت تلامط وحدين خرين خلات صالة مخملة و مجبدة تجبيدة دنفس مشات لبلاكار لي فبيتها وجبدات طاسات دلعشوب كتقاد لماسك لشعرها مشات لكوزينة قطعات شوية دلبصلة وتومة دارتهم يغليو مع الما و دارتهم مع سيدر وزيت الزيتون وخلطاتهم ودارتهم لشعرها بعدما مشطاتو و بدات تاتصاوب تبريمة للحمام بصابون بلدي وسيدر و حنة و ما ورد و لحامض.
كانت يالاه سالات ايمان باقي الدار مانشفات قالت مع راسها مهم سمعات الهضرة ومشات تصاوب اتاي حطاتو ، رجعات لدوك سطولة تقادهم ماكتعيا مكاتكلس ديما شاغلة راسها باش متبقاش غير تخمم وفليل تحط راسها على المخدة تنعس مانفكر فتاحاجة تنغص عليها وتقلق راحتها، مشات لكوزينة شافت طاجين كيطيب طلات عليه لقات لحوت خسرات سيفتها ومشات تجيب باش تعشا هزات بزطامها وهبطات لحانوت خدات لانشون ولخبز و موناضة. وطلعات تقضي بيهم مكتحملش الحوت من صغرها، تعشات جمعات داكشي دارت روتينها ليلي و مشات تنعس
ــ صباح الورد ياصباحي أنت عافية قلبي و ابتسامة ايامي ــ
فاقت صباح بكري كيف عادتها هبطات تسخرات ورجعات تقاد لفطور دارت أغنية نسم علينا الهوى ، وبدات كدندن معاها
تدخلات جداها لالة هنية كتنكر : ناس تيصبحو على دكر الله ونتي صابحة تهللي عليا
مرداتش على هضرتها قالت صباح الخير ونقصات صوت الموسيقى وكملات خدمتها في صمت فطرات وطلعات لبسات كسوة فلخضيضر مزيرة ملفوق ومرخوفة من لتحت واصلة لركبة مع صاك فلبيض جمعات شعرها كوتشوفال و دارت ايكخون دشمش مع ماسكرة و كلوص مكتكترش لميكاب باش يطيح عليها سر نهار تصاوبو على حد قولها شدات طاكسي وجهتها كانت صالونها لي كارياه خدامة فيه قرابة عام ونص و معاها جوج بنات من مور مخدات ديبلومها قادات لوراق و بدات الخدمة فيه اعلاه لافتة كبيير بلون الابيض مكتوب فيها بخط عريض بلون الاحمر و الاسود ✨senmar✨ تحت منو مكتوب centre du beauté نزلات بعدما خلاصات طاكسي لقات لبنات لي معاها دخلو وسيقو المحل و مسحو المرايات كانو بطابليات واصلين لتحت الخصر عليهم اسم المحل صغيورة جيهت القلب و كبيرة فضهر لونهم الكحل والكتابة بلبيض
كانو بلمشيطات زوينين وميكاب زوين وخفيف وضفارهم مصبوغين بلون بارد ونقين كيشعلو اهم حاجة نقا لي كتوصي عليه احلام دائما باش لكليان يكونو مرتاحين مكتحملش لوسخ ولا ميديوهاش فحالتهم حيت خدمتك كاتبان فحالتك كيفاش اتقاد لناس ونتا مامقادش حالتك هادي هي لجملة لي كتعاودها ،صبحات عليهم ببشاشة ودازت لرسيبسيون كان صالون طاغي عليه لون الابيض كان فيه صف من ربعة د لكراسا موڤ مقابلاهم مرايا طويلة دايرة ببولات صغار فلون البيض وجوج بلايص دغيا شعر و حدا لغيسيبسيون كاين جوج فطويات كبار فلون لكراسة وطابلة دزاج فوق منها مجلات فلحيط لي مقابلهم كاينة تلفازة بلازمة معلقة و فلقنات كاينين لي بلونط غاديين تال جيهة دروج لي كيطلعو الفوق كان متكون من طواليط و بيت فيه تلاتة دلبياصات لجلسات المساج و لاصيغ و كاين بيت فيه تكاشط و دلبايس لعروسة بالإضافة للحلاقة وتجميل دايرة تنكافت واقفة كتشوف شنو عندها ليوم ولبنات خدامين لكليانات لي جاو ليوم عندها عروسة اتنكف ليها فليل و وحدة اتجي عندها مع ضهر اتصاوب ليها لميكاب للحنة بغات غير لكوافير و الميكاب ،مشات عند لبنت لي كتسنى نوبتها
احلام: مرحبا لالة اشحب الخاطر ،
لبنت: بغيت نصبغ شعري
احلام : مرحبا اينا كلوغ بغيتي،
لبنت: نواغ
احلام : اوك تفضلي معايا، لبسات طابليتها ودارت لبنت طابلية و بدات كتصاوب ليها خلاتها تنشف ومشات عند كليانة وحدة اخرى بغات تقطع شعرها بدات كتقطع
وهي تقول للبنت لي خدامة معاها :ليلى مال دنيا صاقلة طلقي لينا مزيكة نشطو شوية
قالت لبنت لكتقطع ليها: غني لينا نتي اختي ملقاوش حسن من صوتك ،
ضحكات احلام بخفة وقالت: هههه ويلي حشمتيني تانتي وانا صوتي مدعدع ردات عليها
ليلى : كتحيدي عليك لعين العفريتة غني لينا عفاك عفاك والله تاصوتك واعر،
احلام :وخا شنو بغيتي تسمعي
لكليانة : غني لينا ياحب ياحب(جنريك دهيا روح مسلسل خليجي)
احلام: لي ضاربك ضاربك عليهم اختي محافضاهاش مزيان
ليلى : وغاغني ،
احلام : واخا احم احم بدات كتغني ليهم منساجمة مع الأغنية، {{ياحب ياحب يا عشقي الأولي يا غلا مني علي ياأقرب و أحب واعز انسان، ياحب ياحب الفراق لو يفيد له شوقي مايزيد دونه بسجن بلا بيبان ، راجع له بعد غياب بايع لي دنياه غيره مايملي العين لو كانو مية وحدة من تنتين واختارو فيهم اما اموت بشوق او يمه احيا ، يرتاح كل من قال مالي نصيبه مكتوب احبه حيل وابقى حبيبه ، لو ذنبي اني هواه يازين ذنبي وان كان قربه عيب بعده مصيبة ، راجع لايامنا الحلوة الدنيا ماتسوا حرام لو تحب غياب راجع من عيني ما شيله وممنوع تبديله انا معه خلقنا حباب ،}}
ليلى : صوتك خطيييير اصحيبتي كون غاقلبتيها غنا لكليانة : وااييه مكتفكريش شي نهار تغني
جاوبات ببرود : لا ومعمري غنفكر
لكليانة : هي غتحرمي ناس من هاد صويت الغزال احلام : الخموس و الخمامس شبة وحرمل فكمامس قولو غاتبارك الله ااه ياربي سلامة ليوم نمشي مسهوطة بلحلاقم غا الله يحفظ ضحكات
لكليانة : كن كانت شي وحدة اخرى كن زعفت وتقلقت ساعة عارفاك هبيلة مالي انعينك قلتلك غا الحق ازين نتي فنة وصوتك فن الله يحجبك ازين ،
تسمع صوت انثوي رقيق موراهم خلاهم يدورو كانت بنت فعشرينيات من عمرها لابسة صاية ح حمرة قصيرة و طوب مزير على صدرها هابط من جيهت الكتاف وصباط دومي طالون نظرا لطولها بفورمة عارضات الازياء رشيقة وشعر اشقر دهبي واصل لنص ضهرها وعوينات خوضر كانت زوينة بملامح طفولية وابتسامة ساحرة قالت: نتي سمعتي غاصوتها ماشفتيش شطيحها
لكليانة : واايلي كتعرفي تشطحي ردات عليها
لبنت : على هي غا كتعرف وسكتي
احلام بابتسامة : هادي نتي اشيخة شوية ويسحابليا تجوجتي وبلوكيتيني فين هاد الغبور اسرسورة
لبنت سارة : راه غا واحد بنت خالتي اتجوج واقفين معها فعرسها يجيب الله لي يوقف معانا
احلام : ايوا مبارك ومسعود العقبة ليك البايرة تجوجي
سارة : تاتجوجي نتي انا باقا ماشبعت زهو و دوران نمشي نخنق راسي ( ضحكات بصوت مرتفع وقالت بلهجة المصرية) ههههاهاي اهو ده لي مش ممكن ياختي ،
احلام:هي معولة تبقاي سينكل حرام هاد زين كامل يضيع
سارة : لا اصاحيبتي انا مغنبقاش سينكل ومغنتجوجش فهمتي ،
احلام : ايوا الله يعفو
ردات عليها : على لي تلفو اما حنا غكنتكيفو
ضحكات احلام من هبال سارة تا نطقات هاد الأخيرة : ويلي نسيت لاش جيت ،
احلام : مالمك ، سارة : راه وريت بنت خالتي خدمتك قالتلك وااالووو نتي لي تقادي ليها الميكاب و الكوافير،
،احلام: منردهاش لحبي فوجهها وقتاش عندها العرس ،
سارة : بعد غدا نهار لاربع ،
احلام : معاياش ؟
سارة : بليل ادير داكشي ،
عيطات احلام للبنت الاخرى لي معاها وقالت الكليانة لي كاتصاوب ليها : هانتي الالة بصحة و راحة كي جاك
الكليانة : ياختي ماشاء الله عليا جييت كنحمق اوولالا نااري انخرج نطيح درب على قدو ،
احلام: شكار راسو عاد داز من هنا ايوا ازين بصحتك، سلمات عليها بلابيز ومشات تخلص ولبنت جات عند احلام : هانتي اتمشي تشوفي ليا واش بعد غدا عندي شي حاجة فليل وتمشي تغسلي للبنت شعرها وتقاديه ليها وسيفطي ليلى على (ضارت عند سارة ) اديك البقرة شنو تشربي ،
سارة : لي كان
،احلام : عرفتي شنو غاديري هادشي انمشي نصاوب اتاي ونجي،
اتجهات نحو الكوزينة و تبدل ليها لبلان بانت ليها فلويزة كتقلب غا بوحديتها صوابت جوج كيسان هزات الحلوى وداتها شافتها سارة وقالت : كنتي باغا اتاي،
احلام : مبقيتش باغاه وتبدل ليا لبلان عندك شي بروبليم،
سارة : حاشا ايوا كاين شي جديد شي قديم،
احلام :والو غا الخدمة وديك دار طلعات ليا فراسي بغيت غايمتا نخرج بالخصوص ديك البرهوشة حلفات لارجعات لدارهم عندنا الملجئ ،
سارة : وراه تاهية ختك بنت ولد جداك راه دارهم هاديك
،احلام: سكتي الله يرحم والديك بلاما تخيخيني على صباح ،
سارة: كالما كالما ونتي اتريشيني ،
احلام : ونتي شنو الجديد،
سارة :تعرفت على واحد المهندس يااختي بوكوووص توت ياختي فين يبان شي سفيان هادا صافي ونحبس تبت على يديه من تزهوانيت شفت فيه العمارية والعدول حق مولانا
قهقات
احلام : نعم ياختي ههه نتي توبي وا الحجر يدوب وط*حبة ساكناك ماتوب نعطيك سيمانة تجي عندي مزعوطة فشي كنس وكون غير كانو كي كتوصفيهم وجههم كي صندالة يااربي ماعيبت فخليقتك
ردات عليها سارة بنفخة :، بزاااااااف عليك قالاك انا متأكدة هادا اتشوفيه ايعجبك واتيتيييز غااتيقي بيا ،
احلام : تنكون مكنعرفكش ومكنعرفش ذوقك المنيل عاد نتيق بيك ايوا وشنو سميتو
قالت سارة باعجاب : عادل
احلام : ايوا على الله نلقاوه زين كيما كتقولي، وكيحمر الوجه،
كملو احاديتهم و مشات سارة بحجة عندها مايتقضى وجات العروسة لي عندها الحنة وبدات كتصاوب ليها بدات بشعر عاد دازت الميكاب وركزات ليها على العينين كان ميكاب هادي وزوينن سالات ليها وجات لوطو لي غادي تديها ومشات احلام تغدا و تكا شوية ليوم عندها ليلة طويلة بقات خدامة تاوصلات سبعة ونص
هزات تيلي ودوزات ابيل ونططقات فور ماجاوب طرف تاني: الوو واافيين العشير شوف دوز لعندي الصالون دبا صافي يالاه تلاح وقطعات مخلاتش ليه فين يجاوب، ومشات حيدات طابليتها و وجدات داكشي لي اتحتاج العروسة فلميكاب شعر واللبس وقداتو فباليزات و دازت لاكيس هزات الفلوس خلصات لبنات باش يمشيو وحطاتهم فلكوفر و سداتو وسورتات لباب وحيدات لبريزات طفات ضواو وشدات المحل و وقفات كتسنا تاوصل طاكسي صغير حلات الباب وركبات، احلام : وناااري توحشناك اساط مالمك مكتجيش مع عمي نهار الاحد نتا و سناء ديك لولية غاساد عليها فدار
رد عليها : وعليكم السلام مالكي خدامة بلحجر خلينا غانهضرو ونتي ملي كتبداي مكتبغي تحبسي
أحلام : شو كيداير على بنادم صوك صوك ديني لقاعة ******،
كسيرا وهو كيهضر : خدامة هي ليوم اتجيبي ليا حقي من لعشا
احلام : غاوصلني انا نمشي نطيب ليك ايوا كي غادة واحد سناء مع الحبالة
ضحك وقال: راه قربات هادا شهرها
ردات عليه : هاي هاي هاي على عويمير ايولي بابا غير لبارح كنت تنركبك فحمال ونراري بيك كبرتي ودرتي الولاد ،
ميق فيها وقال : ماعرفت شكون لي كبر انا ولا نتي البعلوكة غا البارح ونتي لاصقة فلرض سبوعك تسخرت فيه انايا ،
قالت باستهزاء: تايكون داروه ليا عاد تسخر فيه نتا ، شاف فيها عرفها تقرصات وطارت ليها هاد المواضيع تيطيحو ليها المورال حيت سبوعها مادارش كان فيه عرس باها وكنازت مها كملو طريق في صمت تاوصلات للقاعة، ضارت عندو وقالت:قبل مانسالي بنص ساعه انعيط ليك نخرج منلقاكش نتقب لخويا عينيه يالاه طريق سلامة،
هبطات و زدحات الباب خلاتو تايضحك هي من نوع لي تسبك و تعايرك غا بضحك ماتعرفها قاصدة تهضر هكاك ولا غير كتقشب معاك دخلات وداتها ام العروسة باش تبدا ليها قادات ليها اللباسي و الشعر و الميكاب دارت غير تلاتة دلباسي تحت طلب العروسة لي مابغاتش تكتر بقات تاسالا العرس و خدات الكمالة دالخلاص ووقفات كتسنى عمر يجي يوصلها لدار ملي بدات وهو لي كيديها و كيجيبها عز من خواتاتو كبرو فدار وحدة وتربات معاه عاوناتو فاش حتاجها و وقفات معاه وقفة دصح شاهد على معاناتها و على تفاصيل حياتها ملي كانت صغيرة و الاهمال لي عاشت وتهميش ضاسرة عليه لدرجة نهار بغا يخطب داها معاه هي خطابات ليه عاد جاب واليديه اقوى مثال عن صداقة الحقيقية و العشرة ديال صح وصلات لدارهم توادعات معاه وطلعات دوشات و تلاحت تنعس اما تالعشا تعشاتو فلعرس
كلما نظرت لوجهك رددت *صباح الخير * لاعلاقة لتوقيت بذلك ..لطالما كانت تشرق حتى في أشد اليالي عتمة 🤍
صباح جديد فاقت فيه بطلتنا بعدما دوزات ليلة نوم هادئة رتاحت فيها لنهار ليوم خصوصا انه الاربعاء واتخدم فعرس قريبة صاحبتها خاصها تحمر ليها لوجه ودير خدمة متقونة عطات لبنات ليوم روبو باش يرتاحو و لانها اصلا مغاتساليش للصالون حيت معروضة و خدامة فنفس الوقت دارت روتينها صباحي و لبسات سروال بوي فريند تجين فاتح مع كروب طوب كحلة وشوميز من لفوق بيضة خلات شعرها كستنائي مطلوق واصل لخصرها متحتاجش تصاوبو رطب و مهلية فيه دارت ميكاب خفيف كي لعادة ورشات من عطرها الانتوي خرجات بلاما تفطر تاتفطر على برا دازت عند مولات تكاشط دخلات وقالت: السلام عليكم،
هزات مولات المحل عينها وبدات ابتسامتها كتوساع شوية بشوية كانت مرأة فالاربعينيات من العمر كتعرف احلام ملي كانت كتقرا مع بنتها وعندها عزيزة بزاف جات لعندها عنقاتها بقوة و قالت : مرحبا والف مرحبا ببنتي اش هاد الغبور ماقلتي ندوز نشوف طاتي متوحشتيني مادرتيني في بالك غبرتي مابقيتي بنتي،
أحلام : حاشا واش نغبر عليك ولا منتوحشكش شكون لي ميتوحش هاد زين ولاهيلا اطاتي مكنحك راسي شطون ودهاوي مخلاو ليا فين تالحد لي كنكلس فيه يالاه نسالي شقا راك عارفة،
سمية: الله يعاونك احبيبتي ويسر ليك ماصعاب أجي كلسي معايا شنو حب خاطرك تشربي ،
احلام : عفاك بلاما تعدبي راسك انا جيت غير على واحد الغرض،
سمية : ويلي ستغفرت الله العظيم نعلي شيطان مكاين بو عذاب جيتي تال عندي و منرحبش بيك والله تاتكلسي ،
احلام: وخا اطاتي مايكون غاخاطرك ايوا واحد الهام فين شاداها ،
سمية: راه مع داك دري محمقها تالخدمة مبقاتش خدامة ملي تهرس من يدو دابزات مع راجلها قاليها غير كلسي قابلي ولدك معندك ماديري بشي خدمة وهاهي كالسة تغبن عليا نهار لول قتليها ابنتي مالك زربانة على راسك جواج مغيهربش تاتخدمي باقي لحال قاتلك منو نخلاق ودبا قاتلك انا بغيت نكون راسي ونخدم ،
احلام: ايوا صبر اطاتي معندك ماديري راه كانت كتسطى عليه شي لي خلاها ماشوفش لبعيد وهاهي دابا يكبر ولدها ويدخل لمدرسة وترجع تخدم تقابلو دبا
سمية : وشكون سمعك ركبات تاني دماغها كل نهار منوضين القتلة لاهو باغي ينزل لاهي باغا تنزل ،
احلام : الله يهديهم على ريوسهم و يطفي الغضب عليهم يديرو غابحساب داك لوليد لي لوسط ميكبرش بلامو ولا باه راه صعييبة بزاف (دمعو عينيها وابتاسمات بزز وقالت بمرح مزيف) ايوا اطاتي راني ليوم حضارة بغيت شي حاجة تكون مطرطقة ديال لفريع ،
سمية : مرحبا دي نتي الحانوت كامل تستاهلي ماحسن حنان حنان (كتنادي باسم البنت لي خدامة معاها ) جيبي داك سيري لي جبت جديد أجي حقا عندمن معروضة ،
احلام : انا راه غادة خدامة و نفس الوقت معروضة هادا العرس دبنت خالت صاحبتي ،
سمية : ايوا الله يكمل بيخير ،
جابت البنت داك سيري وناضت احلام كتشوف تاطاحت على واحد تكشيطة فلكحل سامبل بسفيفة فغوز دوغي وفيها طريزة جيهة صدر من ليمن و جبهة رجل من ليسر و فضهر من لكتاف وفليديدات مشات قيساتها جاتها عبار لبلدي واتها خصوصا الفورمة عندها مقادة جات كتسطي خرجات عند سمية وقالت :بغيت هادي اطاتي بشحال شافت فيها
سمية وقالت: سيري سيري قالاك بشحال ولاهيلا نتخلص من بنتي زوينة هادي بغيتيني نخسر معاك ،
احلام: ولا اطاتي حشومة ،
خنزرات سمية فيها وقالت : حشومة مرات شيطان قتلك خودي هي خودي راك فحال الهام وكتر الله يفرحك ابنتي وبصحتك تلبسي و تعاودي ،
قبلات احلام بقلة حيلة وتوادعات معاها من بعد ماشكراتها مشات لباتيسري طلبات الحرشة والرايب بدات كتفطر سالات خلصات ورجعات غادية تشري اشباقي خاصها وقفات دازت عند مول سبابط خدات سبيبط فنفس لون سفيفة كان طالون ديالو عاالي و تمات راجعة لدار مع دخلات بدات كتسمع صداع و الهاراج لقات باها و مراتو و ولادو كاينين كالسين مع لالة هنية و حياة و ايمان شافت فيهم وسلمات غير فوق نفس ومشات غادة هازة لبستها تاسمعات صوتو كان الاب ديالها رجل ف أواخر الاربعينيات من عمره واقف كأنه فتلاتينيات مهلي فراسو شعرو الاسود متخليلنو خصلات من شيب معندوش لحية بعيون زورق تماما فحال بنتو ايمان عكس احلام لي شابهة فماماه المرحومة نطق بصوت خشن : شفتك نتي كاعما بقيتي باغا تشركي معانا الكلسة ياكشيباس ماكا
ردات عليه ببرود: حاشا واش يكون شي باس غالخدمة كتيرة هاد ليام ولقيتيني مشغولة ،
نطقات مرت باها وهي تاتشوف فيها بغل: دبا الخدمة حسن باك لي ضارب طرقان وجاني يشوفك ،
شافت فيها احلام باستهزاء : جا يشوف بنتو اما لاماكانتش والله لاجات عيني فعينو مهم نخليكم دبا خدامة ،
جات ماشية ووقفاها بهضرتو : باقي ماساليت هضرتي معاك داك الخدمة ناقصة راه معاجبانيش كلسي فداركم تايجي لي يهنني من كمارتك
، ردات: الحمد لله خدامة بذراعي متيصرف عليا حد و الخدمة ماشي عيب كيما كانت المهم مكتمد يدك لحد مكتمدها لديال الحد،
سالات هضرتها و مشات لبيتها كلسات فوق لفرشة معصبة وبدات كتبكي وتشهق دافنة وجهها فلمخدة باش مايتسمعش صوت شهقاتها شنو لفرق بينها وبين ايمان لاش معنقها وكيطبطب عليها وهي لا واش هي ماشي بنتو لاش كيديرو ليها هكدا ضروري مينكدوها عليها بقات على حالتها تابردات وناضت تكمل شغلها فشات قلبها و ارتاحت دبا يمكن ليها تكمل براحة جمعات داكشي لي غادي تحتاج كيف عادتها فباليزات معاهم تا تكشيطتها وسباطها ودخلات دوشات وجمعات شعرها ولبسات دوبياس مع سيكليزم و جلابة فبلونوي مخيطة براندة فنفس لون جلابة هزات داكشي وخرجات تغدا عاد تعيط لعمر يجي يديها غادة فزنقة تاكتوقفها واحد جارتهم : احلااااام ، دارت عندها سلمات عليها: كيدايرة لاباس بيخير الحمد لله ، جات غادة وهي توقفها تاني هنا بدات تسخط مزروبة وباغا تمشي ،
جارة : شفتك جارا الباليزا هي شي تسافيرة هادي طلعات فيها، احلام حاجبها وقالت: ونتي سوقك ،
سرطات جارا القمعة وقالت: وانا غي سولتك حيت شفت طموبيل دباك قلت لايكون هو جا ونتي خويتي ،
احلام صعراتها ضارت فيها ضورة شيطانية : نخوي ولا نعمر ديها فراسك اختي ياكما شايفاني عاطياك ضحكة ونتي ضسرتي وجمعيييي كرك وضوري تقاودي خليني منديرش ليك شي شوهة نفرج فيك الكبير وصغير هادشي فاش فالحين غا تبركيك و نميمة و المخيرة فيكم مامطفراهش سيري شوفيلك ماتقضي قابليني هاي هاي ايوا صفات داخلة لكوميسارية ديريلي لونكيط الله يعفو عليا من هاد الحومة يييخ مشات كتنكر لي بداه باها
لي بداه باها كملاتو هاد خيتي مشات لواحد ريسطو تغدات وخرجات كانت ساعة سادسة مساءا صونات على عمر يجي ليها مور نصف ساعة ومشات عند دهايبي لي كتقدا من عندو دخلات وقالت: السلام عليكم ،
رد عليها دهايبي لي كان باقي صغير فعمر احلام شاد المحل دباه بتاسم و قال بمرح : زارتنا بركة عاش من شافك كيدايرة صافا ،
احلام : الحمد لله ونتا كيداير و عمي الحاج،
دهايبي : كلشي مزيان ايوا اش حب الخاطر ،
احلام: جيت نكمل داك الاونسومبل بلخلاص وبغيت نكري مضيمة (مضمة )،
دهايبي: اييه مرحبا هي لولة ،
جيد ليها الاونسومبل لي كتخلصو بتقسيط كان متكون من حلاقات ديال ذهب متوسطين الحجم وفيهم حجيرة فلحمر متوسطاهم و كورميط دليد فنفس شكل ديال الحلاقات و سنسلة ديال الجوهر لاصقة مع العنق و فيها الوسط نفس شكل الحلاقات كان موديل زوين وخا قديم هو فالاصل راه ديالها باعتو و رجعات كتشريه بشوية بشوية وجبد ليها مضمة شافتها دمعو عينيها نتيجة تأترها كانت مضمة تقيلة ديال دهب فيها حجيرات بلحمر والخضر حطها وقاليها : هانا الالة احلام مضمتك باقا كتسناك ،
شافت فيه بامتنان وقالت : عرفتي اسعد عمري نسا خيرك غير ملي تهليتي ليا فدهب الواليدة وخا بعتو ليك خليتيه تانرجع ليه الله يعطيك مانويتي فخاطرك ويخليك ليك الحاج و الحاجة ،
سعد: مابيناتناش اختي احلام خيرك سابق مادرت غير لازم معاك راه حنا عشرة ،
احلام : ربي يخليك واحد اخر كاعما يدير بحساب لعشرة مايديرو بحسابها غا ولاد ناس ورجال ،
دار ليها الاونسومبل فبواط حمرة و المضمة فوحدة زرقة طويلة خداتهم وشكراتو ومشات عيطات لعمر قالتلو فين هي يجي لعندها بعد تلت ساعه وصل لعندها دارت الباليزة فلكوفر وركبات لقدام خالقة سعادة متعني شعبي وهو تايرد عليها تابعها فهبالها تاوصلها وهو يقول بشاااخ على لفيلات اساطا ليوم تقسمي معايا الخلصة ولبسطيلة
جيد ليها الاونسومبل لي كتخلصو بتقسيط كان متكون من حلاقات ديال ذهب متوسطين الحجم وفيهم حجيرة فلحمر متوسطاهم و كورميط دليد فنفس شكل ديال الحلاقات و سنسلة ديال الجوهر لاصقة مع العنق و فيها الوسط نفس شكل الحلاقات كان موديل زوين وخا قديم هو فالاصل راه ديالها باعتو و رجعات كتشريه بشوية بشوية وجبد ليها مضمة شافتها دمعو عينيها نتيجة تأترها كانت مضمة تقيلة ديال دهب فيها حجيرات بلحمر والخضر حطها وقاليها : هانا الالة احلام مضمتك باقا كتسناك ، شافت فيه بامتنان وقالت : عرفتي اسعد عمري نسا خيرك غير ملي تهليتي ليا فدهب الواليدة وخا بعتو ليك خليتيه تانرجع ليه الله يعطيك مانويتي فخاطرك ويخليك ليك الحاج و الحاجة ، سعد: مابيناتناش اختي احلام خيرك سابق مادرت غير لازم معاك راه حنا عشرة ، احلام : ربي يخليك واحد اخر كاعما يدير بحساب لعشرة مايديرو بحسابها غا ولاد ناس ورجال ، دار ليها الاونسومبل فبواط حمرة و المضمة فوحدة زرقة طويلة خداتهم وشكراتو ومشات عيطات لعمر قالتلو فين هي يجي لعندها بعد تلت ساعه وصل لعندها دارت الباليزة فلكوفر وركبات لقدام خالقة سعادة متعني شعبي وهو تايرد عليها تابعها فهبالها تاوصلها وهو يقول بشاااخ على لفيلات اساطا ليوم تقسمي معايا الخلصة ولبسطيلة
ضرباتها بضحكة تشيخات : هههايههههاااي انا راه معروضة ولكن كون هاني نخرج ليك فخبيز يالاه تلاح احووباي وسلم ليا على سوسو قوليها دابا ندوز نشوفها شاف فيها وقال : شتشوفي فيها مالها فاتحة سيري ونتي خاصك غاعندمن تمشي ميقات فيه ومشات كتمختر عيطات على سارة تجي لعندها بقات كتسناها تاوصلات سلمات عليها بلابيز وتمشاو مع باعضياتهم وهوما كايهدرو: وبااينة هاد خاالتك ملعععقة ياختي لفيلات كاع ، سارة : واااييه راه عندهم شلا بازارات و هريان غا حنا لي مزاليط لفقر ضارب بابانا تال جدر ، احلام : وتانتي ربي خلق وفرق يقدر يكونو لاباس عليهم ومامرتاحينش ميقات فيها سارة وقالت،سكتي هالعار هانا لا فلوس لا راحة البال لا اللعبة غا مشبطة فهاد الحياة ، احلام: حمدي الله على لي عندك ويزيدك من عندو ، سكتات سارة من ديما كتجيها احلام محدودة الطموح غير حيت مكتشوفش فحاجة غيرها عكسها هي لي مراضية بحتى حاجة رغم انها عندها حوايج احلام تحط عليهم عمرها غير يكون عندها وصلو ودخلو كان اندلوسي خدام مشات احلام سلمات على مامات سارة لالة زهرة كانت نسخة طبق الأصل على بنتها سارة نفس العنين و النظرة و الملامح البشوشة عنقاتها احلام وباست ليها راسها وقالت : خالتو ديالي كيدايرة لاباس عليك ردات عليها: لاباس ابنيتي غبرتي عليا متوحشتينش ، احلام : وايلا متوحشتكش الحبيبة شكون نتوحش ، لالة زهرة: واعليها كتجي تسولي فيا ، احلام : ولاهيلا غير مع شطنة راك فلبال والله ، علاقة احلام بامهات صحاباتها متينة كتر من صاحباتها نيت فحالا كتعوض بيهم نقص لي عندها من جهت حنان الام قطعات حديتهم سارة : واباركا من رومانسية العوجة ديالكم طلقونا خلاص مهم ا احلام هادي خالتي كلثوم و هادي بنتها هدى وحفيدتها رشا سلمات عليهم احلام ببشاشة نطقات لالة كلتوم : مرحبا بيك ابنتي شكراتك ختي تاماقدات راك عزيزة عندها ردات عليها احلام : الله يكبر بيك ولهلا يحاشمنا ، هدى : وراتنا سارة خدمتك صراحة متقونة معندي مانقول ماشاء الله عليك احبيبتي أحلام : عويناتك ربي يخليك ، نطقات سارة بخفوت وهي مصدومة : الله عليك يا شيخة اش هاد الاداب و الصواب نزل عليك لا لا خاصك تفوسخي ماشي احلام لي تنعرف هادي ردات عليها احلام بهمس: سكتي يسكت ليك الحس لي سمعك يقول تنقيل نتعاطا ، سارة : وراه داكشي لي كديري نهار و مكتب خاص غا لي ينبش عليها
، عطاتها احلام مشي وبقات مجمعة معاهم تاجات العروسة كانت توأم هدى متفرقيش بيناتهم نفس العيون الواسعه والمرمشة شبيهة بعيون الغزال و الانف المستقيم و الفم صغيور شعرها طويل و طالقاه حاجة وحدة لي مختالفين فيها رغم تشابه ملامحهم ايلا انه هدى بشوشة و متواضعه و توأمها هند مغرورة و مسيميمة سلمات على احلام من فوق نيفها و احلام طلعاتها وهبطاتها عرفات نوعها قالت مع راسها (شوكي كتعيوج اتقرط ياربي سلامة نافخة ريشها كي بيبي ) قاتليها: مبروك عليك برفاه و البنين يالاه نبداو ايمشي الحال ، هند : اوك يالاه ، ناضو البنات للبيت فين اتقاد ليها بدات ليها بشعر بوكلاتو ليها من لتحت و نفخاتو من لفوق وجمعات شوية من على شكل شفينجة وقادات ليها القصيصة و دارت ليها تاج وهابط معاه خيط ريح فضوغي وحجيرات فلخضر و بدات ليها الميكاب ركزات على عينيها زاد وسعاتهم بايلاينر مجبد وكتفات ليها رموشها و ايشادو الألوان ترابية مع عكر غوز ماط لبسات لعروسة قفطان فالاخضر ملكي دلحنا مع مضمة و سنسلة و حلاقات طوال دارت ليها احلام لفوال فوق راسها و مشات توجد راسها حيدات جلابة ولبسات شورط ايلاستيك كيشد المؤخرة ولبسات تكشيطتها دارت مضمتها والاونسومبل ديالها شعرها دارتو سامبل وبوكلي من لتحت هو و لغرة لي كانت طويلة و دارت ايلاينر القطة و ماسكارة قوسات رموشها بلاش فلغوز و عكار حمر ماط وضفارها كانت ديجامسكداهم وصابغاهم بغوز بيبي رشات عطرها الفواح عندها خاص بلمناسبات و لبسات سباطها جات فنة ملامحها طفولية مسرارة زادتهم فتنة وطاح عليها سر مع القفطان لي جاها واعر خرجو العروسة بصلاة وسلام وهي شادة فيها وكتزغرت تزغريتة دنفس داتها تالبرزة لي كانت برزة ديال الحنة وقاداتها فلكلسة ومشات كتقلب على سارة لي كانت لابسة غوب كرونة قصيرة ديال لي صواغي بليدين وفيها فتحة فضهر جمعات شعرها كوب شوفال ودارت مكياج صارخ للحفلات مع غوح فنفس لون كسوتها وصابغة ضفارها بلكرونة و لبيض شافتها احلام وصفرات باعجاب بينما سارة تصدمات فحلتها جاتها الغيرة من لاطاي لي عندها ولبلدي لي واتاها وجابها بومبة وصلات عندها احلام وقالت هانا تاني على لي غوب وراك طياح ازين المسرار ضحكات ليها سارة ضحكة صفرة وهي كطلع فيها وتهبط بحسد وقالت من فوق نفسها تانتي جيتي زوينة يالاه نكلسو مشاو جيهت طابلة كالسة فيها هدى ولالة كلتوم و لالة زهرة وخواتات سارة نسرين و نورة بداو تايمدحو فحلتها باعجاب كبيرة وطبطبات لالة زهرة على ضهر احلام وقالت : لالة بنتي زين و الفورمة و الحداكة و اللسان الحلو ماشاء الله عليها الله يحفظها من عين بنادم ، هادشي كولو وسارة كتغدد مكرهاتش تجيفها ولاكن مامبينا والو مبردة ملامحها ودايرة ضحكة فوق شفايف و القلب عايف نطقات لالة كلتوم: الله يحفظك لميميتك ابنتي ،لمعو عينيها بحزن وقالت بأسف: الله يرحمها و يغفر ليها
تأسفات لالة كلتوم وحسات بيها تغيرات : الله يرحمها ابنتي دات رحمة سمحلي ابنتي فكرتك فيها جاوباتها احلام بابتسامة: لا ماشي مشكل عادي بغات رحمة فهاد ساعة ، سكتو مبقاوش نطقو تاتطلق شعبي وهي تنطق هدى موجهة كلامها لاحلام : زيونات قاتلي سارة كتعرفي تشطحي شطحي لينا الميمة ،احلام: والله ماقادة غا خليني ردات عليها زهرة: لواه ابنيتي نوضي نشطي وشطحي قبل لايجي لي مايخليك لاتشطحي ولا تردحي نوضي عافا بنتي نوض ناضت احلام دايرة ليهم خاطرهم شادة لهدى فيديها مخلية الكل منبهر بحلتها وقفات كتمايل على ايقاع الموسيقى وجابت ليها هدى حزام دلموزون فلكحل وحزماتها بيه وبدات كتشطح باتقان ومهارة وهزات طراف تكشيطة و خشاتهم فالمضمة وبانو سيقانها البويض وطلعات فوق القعدة كدك وتشطح بمؤخرتها وتهز فصدرها بطريقة احترافية توقفو البنات عن الرقص مراقبينها كتشطح بنهم تاسالات الأغنية مع اخر ضربة برجليها فوق القعدة نزلات كتنهج وتنش على راسها جمعات شعرها بقراصة و بقات كتبرد على وجهها بيديها شافتها هدى وقالت : اتبارك الله عليك الالة مخليتي ليا منقول كان تيسحابني كنعرف نشطح ساعة جيتي قلتيلي مكتعرفيش الله يعطيك الصحه احلام : واغير شوية وصافي ، كانت هند سالات ليها نقاشة لحنا وضارت عند لبنات تاوصلات لأحلام قالت ليها دير ليها غير صبيع خفيف كانو دايرين كليسة دلحنا غير بين لبنات والعيالات عاد ايجي لعريس يبرز حداها وتخلط دعوة ناضت العروسة مع احلام باش تلبس لبسة تانية لبسات تكشيطة فلحمر وجمعات ليها شعرها كولو بمشيطة على شكل كعكة مع تاج كبير وحلقات طوال و عقد الجوهر ميكاب تقيل وغوج اليفغ حمر مع ايلاينر عريض جا مع عويناتها طلعاتها فنة شافت فيها وقالت :ماشاء الله عليك احبيبتي، شافت فيها هند بغرور و قالت: بطبيعة الحال نجي زوينة ونخليك مبهوضة راه زين مني تفرق ، شافت فيها احلام وميقاتها كتقول مع راسها شفت هادي تيقات راسها ايوا تبقيت ستر سمعو دقان فلباب ودخلات لالة كلتوم هازا مبيخرة كتبخر بنتها و تسمي الله وتعنق فبنتها وتبوس سهات احلام فيها كتسائل مع راسها تقدر شي نهار تعيش هاد لحظة ولكن شكون لي تعوض بلاصت ماماها فاقت من سهوتها شدات لهند فيديها مهبطاها بصلاة وسلام تركبات فوق العمارية وقاداتها فبلاصتها
هزوها تيدورو بيها تحت ايقاع الف هنية وهنية كدير باي باي من فوق العمارية تاسالات دورة وبرزات هي وعريسها بدات تاني الموسيقى كانت ركادة ناضت احلام بلا هواها كتشطح بكتافها مدات ليها واحد لمرة كبيرة عكازها تشطح بيه خلاتهم كيشوفو فيها فحالا حياتها كلها وهي كتشطح فهاد الاثناء كانت العديد من العيون مراقباها من بينهم نظرات اعجاب و انبهار و الحسد مول دربوكة شد معاها ريتم تاسالاو ورجعو لطابلتهم كيتسمع صوت ضحكها من بعيد مجمعة هي وهدى فحالا سنين وهوما تيعرفو باعضياتهم بطبعها هي اجتماعيه وضحوكية دغيا كدير بلاصتها ودخل الخاطر شي لي خلاها تكون محبوبة و عزيزة عند كلشي قهقهو وهي كتعاود ليهم : ايوا ياختي ضربها حمار ليل شدات لغطا لواتو عليها خلاتني كنقفقف فلبرد بغيت نجرو عندي نعسات عليه فيقتها باش تخليني نتغطا معاها فاقت كتغوت فين انا شكون نتي قتليها افلانة راني بنت عمك هزات يديها تاهزاتها وعطاتني واحد طرشة تاتصمكو ودني وجرات شعري وبدات تهترف نتي اشارفة ديتي ليا يحيى بغيت نعرف غي شكون هاد يحيى ماطلاقاتني غير بزز حلفت الباقي نعست حداها قالتلي مها راه هارب ليها ومتيقتهاش لاغد ليه جمعت شرواطي و زدت لدارنا ،هدى: وايني راك صكعة اش داك تباتي معاها ، احلام : وانا سحابلي غير تيكدبو صدقات بصح مفروحة واحد نهار لقاوها فزنقة مع تلاتة دليل سولوها فين غادة قاتليهم نجيب الموناضا راه جاييني الخطاب هههه ضحكات هدى : ناري انسخف معاك بضحك ، احلام : هادشي غير شوية من بزاف صكوعية تابعاني يالاه اندي ختك تبدل ونجي ، وقفات معاها هدى : تانا غادة معاك نبقى بوحدي هنا زيدي زيدي ، ضارت عند سارة وقالت : يالاه تانتي طلعي معانا خنزرات فيها وقالت : غير سيرو مافيا مايطلع ، احلام : على خاطرك ، تقدمات احلام رفقة نكافات نحو هند و عريسها بصلاة وسلام باش تبدل هاد المرة كانت لبسة شلحة ديال العريسات بمجوهراتها الأمازيغية وبقات بنفس الميكاب و هبطات تاني بصلا وسلام وركبات فطيفور هي وراجلها تيدورو بيهم والمغني تيغني و الحاضرين تايردو عليه : هااكاس القهوة هاكاس لحليب ، : مولاي سلطان تايفاجي لقليب ، هاماس لقهوة هاكاس لحليب ، : مولاي سلطان تايفاجي لقليب ، واهيا مول القصور ،: عروستنا تادور ،واهيا مول لقصور ،: عريسنا تايدور ، ويالكمرة علي علي وديري دارة لالة هند يانوارة ، واهيا العريس ضوي بشمع البلدي ، وايلا جاك زين ضوي بتريسينتي ، احلام تاتغني على حر من جهدها محيحة من صغرها كتحماق على الحفلات و العراس
على عكس سارة لي جامعة ملامحها بغضب و غيرة كانت ناوية تجي هي احسن وحدة فهاد لعرس و طيح البق على لعروسة للحظة ندمات لاش عيطات ليها بالخصوص باش كتسمع المدح عليها وعلى نشاطها وروحها شعبية المتواضعة عكسها هي لي معفرة و ماعجبها لعجب نسات بلي من تواضع لله رفعه، هبطو العروسة و العريس وداروهم لوسط تايشطحو وهدى كتحاول تقلد احلام لي طلعات فوق القعدة و المغني تيغني عليها واعلى شطحة عندها والله يعطيها صحة تحمسات وخدات ليه المايك وبدات تغني ببحة ، و الباقي تيرد عليها: واااااعلى مشموم خواتاتو على سواااط عيالاتو على عشاق صحاباتو واولي ولي واهيا الملا واحبيبي ودار القاضي عامرة جرادي وليغادي ودار الباشا عامرة كراسا واولي ولي واهيا الملا واحبيبي واعيتيني بالكدوب شلا وتاضرب برجليها تاسالات وكلسو كاملين فطبلة وحدة مع سارة وهدى و لالة زهرة و بناتها لخرين وبنت هدى صغيورة حطو العشا لي كان عبارة عن بسطيلة ديال دجاج كلاو فجو مرح لايخلو من ضحك وتحط طبق تاني كان نص حولي مشوي مع مرافقاتو وشلايض ديالو احلام وخا كتاكل ولكن مراعية الهدوء و الادب وبينما عيون مراقباها باعجاب تهز لحم وتحط ديسير لي كان طاخط كلاصي و فواكه مشكلة سالاو الماكلة وطلعات العروسة تلبس لاغوب بلونش الكسوة لي كنحلم اي بنوتة تلبسها وهي فرحانة فليلة عمرها مع شريك حياتها لي دق لي قلبها دارت كانت كسيوة ديال ساتان سامبل وطويلة
بكمام وكول ڤي v وعقد لؤلؤي وتاج على شكل بونضو مع ضفيرة عل شكل سبولة هابطين جوج زغبات على وجهها وفوال طويل كيلمع عطى بريق للحلة البسيطة دارت ليها ميكاب نو ميكاب بانت هادئة بملامح طفولية ملائكية هبطات على ايقاع أغنية دي قصة حب هازة فيديها بوكي دلورد فلبيض غادة مبتاسمة لعريسها لي كينتاضرها فأخر درج لابس كوستار اسود مع بابيون سوداء كتلمع بكل أناقة مبتاسم شدها من يديها وقبلها بجنتلمانية وباسها فراسه
غادي شاد فيها تاوصلو لطابل فين كاينة لاطارط هزو موس فلاغجونطي وبداو تيقطوعو والكل مبتاسم بفرحة منهم احلام لي متأترة من كمية رومانسيه لي كتشوف هي انسانة شاعرية محبة غير باقي ملقات لي تعيش معاه هاد الحب دارت طارطة وهي طلعات كتجمع حوايجها ردات دهبها لبلاصتو لبسات جلابتها باش جات جمعات جعلها كوب شوفال و خلات شي زغيبات هابطين جرات فاليزتها وهبطات سلمات على هدى وتبادل نوامر تحت انظار سارة لي باغا تغددها وعلى لالة كلتوم و لالة زهرة وعلى هند وعطاتها كادوها لي كان عبارة على سنسلة فيها فراشة و مشات عند سارة سلمات عليها وعنقاتها بينما الاخرى محاملاهاش غير منافقاها ،خرجات على برا عاد تفكرت بلي ماصوناتش لعمر بدات كتصوني مجاوبهاش عاودات تالمرة تالتة جاوبها وصوتو تيلهت سخفان ،الو وي احلام،احلام:عمر مالك ياك لاباس، عمر: ختي احلام صافي قلبي غايوقف اختي احلام، صوتو منغنغ باغي يبكي طيح فيها نص ، احلام: اويلي مالك عومااااار عوماااار مالك اخويا اش طاري ، عمر : سناء جاها لوجع كتولد من قبايلة وهي تغوت فيها الحريق ، احلام مصدومة : كتولد وااااع كتولد ياربي لاما وقف معاها ياربي شوف انا جايا لعندك صبر قطعات عليه لقات راسها ضربات طريق وغا الخلا لاحياة لمن تنادي صقيل دنيا كتصفر تخلعات بالخصوص ملي حسات براسها تلفات صونات لسارة لي جاوباتها ببرود :وي ، احلام : شوفي ختي سارة راه واقيلة تلفت سيفطي شي حد يجي عندي ، سارة : ياك ولد عمك تايجي موراك عيطي ليه ، احلام : مراتو كتولد معندو كي يدير يجي ، سارة : وتانا معندي كي ندير ليك منقدرش نخرج يكريسيني شي واحد ، احلام : سيفطي غير شيحد يردني ، سارة: سمحيلي ماعندي مانسيفط ليك سولي شي حد ينعت ليك بسلامة ، قطعات خلات احلام مصدومة مافاقت غا على تلاتة ديال دراري مشمكرين وقفو عليها : امممم وليلا وشمن ليلا اش خرجك ازين فهاد ليل ، صاحبو شاف لشانطة : بان لي زين مسافر يديني معاه نفوجو انسومبل ، شمكار تالت : اووه بعدو منها خلعتوها يسحاب ليها غا شفارة وحنا باغين غانديرو الخير ياك التوت ,احلام ضربات طم ندمات لاش جات لشي حضور بدات تطلب دوز ليلتها على خير ، بدات شمكار تايدوز يديه على كتفها جارها وهي بدات كتنتر غمز لهادوك لي معاه يشدوها غادين وكيغنيو بصوت مدعدع ريحتهم كتقلب بشرابات والكارو وهي كتنتر منهم عيفانة : ولغزالة لي سارحة فلغابة وااهيا لالة فين غابو عليك صيادة
وهي كنتر وتغوت جاتها البكية كتشوف حياتها غا ضيع هادشي لا ماماتش غوتات وضربات واحد لحجرو ولاخر عطاتو بمرفق لنيفو رعفاتو ومشات كتجري جارة شانطاتها وراها تاجرها شمكار من جلابتها تاتقطعات وصرفقها و بدا ينتفها وهي كتغوت ربي لي خلقها تاحس بشي حاجة جاراه من قبو مجا يشوف شكون مالقا راسو غير مخبوط مع لرض تاياكل فدق وركالي جاو صحابو بغاو يتحماو كمل ليهم على لي خلاتو احلام هاد الأخيرة لي شادةعلى حنكها لي تزعزع بحر تصرفيقة نيفها رعف وسائل دم من فمها كتشوف فهاد الطولة وتقطبينة لي واقفة كتشرشم دوك شماكيرية بقات ساهية هي لي عمر شي حد دافع عليها من غير راسها تاكل لعصا وضرب طم تاكبرات و ولات قادرة ترد دقتها بوحدها اما دبا هادا واقف كايخلي دار عشتهم خلاهم سخفانين ودار عندها نزل لمستواها وقال بصوت جهوري : ختي واش لاباس نديك لسبيطار ، دموع محجرة فعينيها ،: واش ضاراك شي حاجة قوليلي يالاه يالاه طلعي لطموبيل ترتاحي ، مفكرات لامرة لاجوج يقدر تاهو يديها يتكرفص عليها ولا يدير ليها شي حاجة صدمة حبساتها على نطق وتفكير كانت سيارة سوداء من نوعية ميرسيدس بينز حلها وجبد قرعة دالما عطاها تشرب وهي دم مسقوط من وجهها و دموع كيتكركبو لي الحجر من عينيها كاع ضحك لي ضحكات هجراتو و رعدة شاداها ربت على كتفها كيطمن فيها : متخافيش تكالماي شششت ماوقع والو اش دوزك من هنا راه دنيا خايبة ، شهقاات وقالت بصوت مرعود: ككنت غغا حضارة ففواحد لععرس وخرتجت نشد طاكسي وتتلفت ، شاف فيها لعرس الوحيد لي كان هو ديال ختو : وكن عيطتي لشي حد يوصلك مكيدوزوش طاكسيات منهنا ،اخلام: انا ماساكناش هنا معرفتش واش تيكونو ولا لا ، سولها بفضول : واش كنتي حضارة لشي عروسة سميتها هند هزات فيه راسها وقالت: اه كتعرف دارهم لمييمة لما وصلني عندهم ، شاف فيها وقال: اه راه ختي هاديك تصدمات احلام ااو على عندهم خوهم قد هاكا مشافتوش كاع فلعرس لعجب نطقات بعفوية: ولاكين انا مشفتكش كاع فلعرس هز عينو يشوفها وتصدم بدورو عليها خرج تايقلب العرس كولو وهو مراقبها باعجاب لجمالها و روحها المرحة ملي سالا العرس غبر ليها الأثر فضولو و رغبتو بتعرف عليها دفعوه لانه يقلب عليها لاتكون باقا هنا قريبة تاكيسمع صرخة أنثوية كانت هي كتنتر من شمكار وهو كيضربها مع ضلام مبانتش ليه تاطلعو للوطو عاد شافها تبسم ابتسامة خفيفة
وهي كتأمل ملامح وجهو الوسيمة وضحيكة لي مزينة ثغرو تااقال مقاطع لحظة تأمل ديالها : ولكن انا شفتك ، احلام ببلاهة : ها ، قاليها بابتسامة لبلاصتها: قتلك ولكن انا شفتك وخا نتي ماشفتينيش ، احلام : وراه ضروري متشوفيني راني انا لي قاديت لعروسة لميكاب ، صغر عينيه كيتفكر بلي الكوافورة جابتها سارة لي قاتليهم كتصرع الميكاب و خدمتها متقونة وخلاو الأمر ليها تايعرف سارة ومعارفها متوقعهاش هاكا كان تايقول شي شاطة ماطة شعرها كرد وراسما حجبانها بطاطواج تصدم فيها هادي منين تاتعرف سارة اماهي كانت باقا كتسأل عمر سارة قالت ليها بلي عندها ولد خالتها بهاد طول و العرض و الزين كتشوف فيه تاقالت مع راسها اصلا هي متعرفش لزين غا من داك وجوه طوبة لي كتصاحب معاهم بقاو ساكتين معي مرة مرة كتشهق باقا خايفة و تحمد الله على هاد لعاقبة لي دازت على خير تاوصلو قدام الفيلا ، دارهم متقدرش تمشي ليها بهاد الحالة جلابتها مقطعة وحنكها فيه ليطراس ديال طرش حمر عاد دم لي رعفات و الماكياج لي تجخنط شعرها مشنتف كلها مغبرة ايشوفها باها ايحيح عليها ولا يكمل مابداوه شماكرية بلعصا تا سبيطار لي كانت اتمشي ليه ميمكنش ليها تمشي عندهم هاكا دخلات كانو سرباية كيجمعو عند بالها بلي سارة وماماها وخواتاتها مشاو فحالهم هادا باش بررات هضرت سارة بأنها معندها مادير ليها بقات واقفة تاحس بيها ماغاداش موراه ضار لقاها مكمشة فيها لقفقافة سولها: واش كاين شي مشكل لاش وقفتي ، هزات عويناتها وقالت : مكنعرف حد تما من غير سارة ورجعات لدارهم حشومة ندخل ، كيتسائل مع راسو كيفاش هادي مكتعرف حد العرس ملي بدا وهو مراقبها كتهضر مع ختو لدرجة يسحابليه صاحبتها ماطاحتش عليه بلي هي زيانة دلعروسة قاليها : راه كاينة سارة هي و ماماها غير أجي ، تبعاتو تاوصلو لصالة كانت كالسة لالة كلتوم مع لالة زهرة كتسكتها على فراق بنتها تاهز. عينيهم لالة زهرة ابتسامات لولد ختها : الله ياوليدي لعرس مابنتي فيه سالا غبرتي ماشفناك ههه
سرعان ماختفات ضحكتها فور ما شافت احلام بديك الحالة وشهقات ضاربة على فخاضها : هاااا الله ابنتي وشطرا ليك شكون دار فيك هاد الحالة ترمات احلام فحضنها كتبكي وتشهق ولالة كلتوم و لالة زهرة مصدومين : مالك الحبيبة وشوقع ليك شكون ضربك ، لالة كلتوم شافت فولدها وقالت : مالها اش وقع ليها ،: واحد شماكرية كانو باغين يكريسيوها وبقات كدافع معاهم وضربوها ، لالة زهرة: الله على حنينتي الله بغيت ليهم الكرض الله يلكيها ليهم ، هي غي كتبكي وتشهق حسات بلحكرة كانت ليوم اتمشي فيها وصاحبتها سمحات فيها باها حاكر عليها شافت راسها بوحديتها ماعندها لي يكون جنبها و يوقف معاها كلشي تجمع عليها فدات غدايدها فلبكا تاهبطات هدى تسول ماماها كتفاجئ باحلام فديك الحالة : احلام مالكي شنو وقع ليك جوباتها ماماها : شي حد كان ايكريسيها ابنتي حفضها الله ، هدى : الله الله ياكبيدة لي ضحكتيه هجروه ليك أجي معايا غسلي وجهك أجي أجي ، تسندات على هدى حاسا براسها شوية وطيح ، بينما هو بقا متبعها بعينيه تاغابت عاد تمنى ليهم ليلة سعيدة وتوجه لغرفتو كانت غرفة كبيرة عبارة عن جناح متكون من سرير و حمام و دريسينغ و بيرو ليلباب ديالو على شكل خزانة كتب عاد البالكون لي فيه كليسة بلي فوطوي و طابلة دزاج مع مساند دلكلاس غرفة طاغي عليها لون البني و الازرق سماوي كيتوسطها سرير موراه معلقة تصويرتو كبيرة رفقة هند و هدى اغلى ماعندو ضو عينيه كيما تيقول ليهم ، مقابلة سرير مرايا طويلة بكادر ديال الخشب عبارة عن باب لدريسينغ وفلحائط لاخر خزانة عندها شكل دائري خشبية فلون الأسود محطوط عليها شواهدو دراسية و التقديرية و الميداليات و الكؤوس و معلقين على نفس الحائط صورو من طفولتو لمراهقتو لنضجو هو الرجل الناضج التلاتيني مهدي اسم لائق بصاحبو هو مهدي من عند الله هدية لواليديه بعد سنوات من الانتظار جا الطفل البكر ينور حياتهم، مهدي لطريق صواب مايحتاجش لي يقولو دير و فعل بلعكس من صغرو وهو عارف واجباتو ماليه و ما عليه معدبش واليديه وكان ولازال بار بيهم مهدي لحب خوتو و عائلتو ، العائلة بنسبة ليه مقدسة بزاف كبر على مبدأ ان لا حياة بلا عائلة ولا انتماء بدون عائلة وهي كلشي وقبل من كلشي ، حيد حوايجو ودخل لدوش تايحاول يرخي راسو و يحيد طاقة سلبية سالا دوش ديالو نشف شعرو ولبس بوكسر مع سروال بيجامة و بقا عريان من لفوق وخرج للبالكون كلس فوق الفوطوي وخدا علبة سجائر من فوق طابلة دار وحدة ففمو شعلها وبدأ كيكمي وهو كيتأمل فلقمر وكيتفكر ملامحها و عفويتها ، فبيت هدى كالسة فوق سرير فلون ازرق ملكي كلها كترعد وتاطلع شهيقات خفاف جات عندها هدى وجايبة معاها بيجامة ابتاسمات ليها بلطف و قالت : هاكي احبيبة بدلي هاد الحالة ، خداتها منها وشكراتها تمشات بناحية الحمام هازة معاها ديماكيون و الغاسول د الوجه ،هزات عينيها فلمرايا كتشوف اتار صبعان لي ولاو زورق ودقة لي حدا فمها وعينيها مدمغة والكحل سايح تألمات للحالة لي هي فيها ونصلات جلابة و سيكليزم وهزات لبيجامة الوردية لي عطاتها هدى لبساتها وديماكيات مخسرة ملامحها مقصحة عينيها ولات حمرة كرهات لعراس و مايجي منهم مسحات وجهها بلطف وخرجات كانت هدى كالسة فلكليسة لي عندها وسط البيت شافتها ومشات عندها وتنهدات قائلة: معرفتش شنو كان تيطرا لي من خوك معتقنيش
عنقاتها هدى وحطات ليها راسها على صدرها كتلعب فشعرها وقالت : حفضك الله احبيبة عاودي ليا كيفاش طرالك ، بدات كتعاودي ليها وهي مخشية فيها مرة مرة كتشهق شهيقات خفاف تاسالات، هدى: وايني هاد سارة مكتسواش واش صاحبتك فزنقة منعرف اش طاري ليها كتقولك أجي لعندي ونتي كتبعككي وبااز ، احلام: وراه يقدر تكون خافت ولا معندها كيف دير ، هدى: لا سمحيليا واخا تكوني كتقطعي ولكن متصدمتش فيها عارفاها عافية تحت تبن ، احلام معجبهاش تهضر على صاحبتها هكاك. طمرات ماعندها جهد لقوة الهضاضر سكتات ،هدى شافت الجو تشحن وقالت بمرح: وتاهد مرات خوك ملقات ايمتا تولد غا ليوم هه ، ابتاسمات احلام : واييه اختي دبا خاصني نمشي نكلس معاها نقابلها دارهم بعاد و هي نفيسة خاصها المقابلة، هدى: اه عندك الحق لاقدر الله وطرات شي حاجة تلقاك معاها ماشي بوحدها لا حنين لارحيم سعداتها بلوسة فحالك انا معنديش لوسات عندي غير لواس ، جاوبلتها احلام وهي مركزة فنقطة وحدة : ماشي كاع لويسات ضريفين ويهزوك على كفوف راحة الا من رحم ربي من الاحسن عندك غا لواس ، استغربات هدى من طريقها فلهضرة فحالا مجربه حرب لوسات وقالت: يالاه احبيبة انا انمشي نعس خليت رشا بوحديتها فلبيت خودي راحتك حسبي البيت بيتك تصبحي على خير ، جاوباتها بامتنان: تصبحي على خير اختي وشكرا ، هدى : هانية ازين. خرجات من لبيت خلاتها متكية ناضت هزات تيلي ديالها ودوزات نمرة مريم وحدة من لبنات لي معاها تا حلات الخط وقالت بصوت نعسان: الوو احلام ، جاوباتها؛ الو ختي مريم سمحيلي عيطت ليك فهاد لوقيتة مهم انا مغانجيش تال نهار تنين مرات خاي ولدات ومكاين لي يقابلها انبقى معاها هانتي حلي لمحل وردي البال مع ليلى انا لالقيت شي وقيتة ندوز نشوف الامور ، مريم مدوخة بنعاس باغا غاتفك: كوني هانية و العرايسات ، احلام: ماعندي تاوحدة هاد سيمانة وماتشدي تاوحدة عرسها هاد سيمانة صافي وردي لبال الله يحفظك و حضي من ليلى صافي اختي ، مريم : صافي صافي كوني هانية المحل فعينيا اختي و الله يكمل بلخير اختي ، احلام: الله يبارك فيك احبيبة تصبحي على خير ، قطعات معاها حطات تيلي و بقات مطرطقة عينيها فسقف كتخمم ودور سينتة مال سارة على هاد الخصايل كتفكر فاياش تقدر تكون غلطات معاها ولا قلقاتها تا داتها عينيها واستسلمات لنوم
صباح جديد صبح عليها فاقت كتكمش عينيها و كتكسل حلات عينيها جاتها البلاصة مبدلة عاد بدات كتفكر شنو طرا البارح تحسسات مكان الدقة بألم و ناضت باتجاه الحمام غسلات وجهها ونشفاتو دازت لفاليز ديالها كانت جايبة معاها كسوة نص كم فلبيض واصلة لركبة جابتها معاها لبارح جمعات شعرها شفينجة لفوق وغطات ضرابي باش مايبانوش واخا عينيها حمرة ومدمغة سمعات دقان مشات حلات لباب كانت هدى هازة فيديها بنتها تبسمات ليها و كحزات مخلية ليها فين دخل وقالت بود: صباح الخير ، ردات عليها هدى: صباحو زين كيصبحتي نعستي مزيان ، احلام: مزيان اختي لهلا يخطيك كن مانتوما كون ماعرفت اش طرا ، ميقات فيها هدى وقالت: زيدي زيدي ونتي فيك كترت صوابات من لبارح ونتي شكرا شكرا شكرا فحالا ماعرفت اش درنا ليك هاكي شدي رشا نجمع شعري ، هزاتها وبدات كتبوس فيها وتنعنق هدى شافت بنتها ساكتة عند احلام دازت كتسلت هابطة لتحت بعجاجتها مخلياها معاها تاوصلات لطابلة دلفطور، كانت طابلة بيضة رخامية الحاشية ديالها لونها دهبي بزخرفات فنفس لون دايرين بيها كراسا فنفس ديزاين، كان مترأس طابل مهدي بشوميز نواغ طاوي كمامها وحال صدايفها الفوقانين وسروال بيض معصمو مزين بساعة فضية تيشرب قهوتو بهدوء وماماه حداه بقفيطين باج وشال فوق راسها فنفس لون خارجين منو خصلات شعرها الاسود ، كتمد لولدها طباسل حداها نسرين و نورة بنات ختها وفراس دطبلة مقابل مع مهدي كاينة لالة زهرة خالتو اما سارة خرجات بكري ملي سمعات احلام بايتة هنا ، وصلات هدى عندهم : صباااح الخير ، رد عليها مهدي: صباح النور ، باست مها وعنقات خوها فرحانة بيه : عرفتي توحشتكم فحالاش مكانشوفكومش بزااف ، ميقات فيها لالة كلتوم: ياك شهر ونتي كالسة معانا داك راجل لابغا يديك خاصو القوات المساعدة ، هدى: ياك اماما ياك احضن الامان تاتجري عليا وانا لي تنفوج عليك ونعاونك ونشد ليك الخاطر عارفة بلي هند عزيزة عليك كتر مني هي كتنخصصي عليها بحالا مهاجرة وانا كتجري عليا ، لالة كلتوم: ايوا باز ابنتي باز ، مهدي عنق ختو وقال: مرحبا بيك دارك هادي أجي سكني معانا و الله ما ساخي بيكم راه نتوما نور عينيا ،لالة كلتوم : راك نتا لي مضسرهم ، مهدي : وايلا مضسرتهم شكون نضسر ، هدى: لهلا يخطيك عليا اخويا ، هزات عينيها شافت احلام واقفة وهازة رشا فيديها هي تجرها وكلساتها فجنب مهدي مقابلة مع لالة كلتوم وقالت: زيدي متحشميش ، شافت فيهم احلام وقالت صباح الخير ، ردو عليها: صباح نور ، كبات ليها لالة زهرة طاس دقهوة معطرة ومداتو ليها : هاكي ابنتي هاهي قهيوتك كي كاتبغي ، شداتها احلام من عندها وقالت: ربي يخليك اطاتي لهلا يخطيك عليا ، لالة كلتوم كطلع فيها وتهبط كتبركك وقالت: عجبني داك لاونسمبل لي كنت لابسة لبارح مزيون ، ردات عليها احلام: عويناتك لي زوينين ، كلتوم كتحاول تجبد منها الهضرة : باينة خدمتو تقيلة داك لخدمة متلقايهاش فدهب دليوم منين خديتيه، احلام: ماشريتوش ورثو على ماما الله يرحمها هو ولمضيمة لي كنت لابسة ، لالة كلتوم : كان دوقها زوين الله يرحمها باينة كان عزيز عليها داكشي ، احلام: اه على ماتايعاودو كان تيعجبها ذهب وسناسل والخواتم وداكشي كامل تقادو وتلبسو تانا تايعجبني فحالها
كلتوم : علاش نتي ماعاقلاش عليها ،احلام تاترات هي وخا عمرها شافت ماماها وماتت من مور ما ولداتها بيوماين الا انه من خلال مكايعاودو ليها متأترة بزااف بشخصيتها لي كانت قوية ومستقلة بداتها بنات راسها براسها وربات راسها بوحدها تماما فحال احلام لولا وقوعها فشخص الخطأ: لا اخالتي ماتت من مور ماولداتني جاتها ايموغاجي وماتت ، لالة كلتوم: وشكون رباك ؟، احلام : رباتني خالتي تادرت ربع سنين و رجعت لدار لميمة تماك تربيت ، كلتوم : الله يرحمها ويغفر لها صعييبة ترباي بلا ام كايقولك لامات الاب كتوسدي ركبة اما لا ماتت الام كتوسدي لعتبة ، هزات احلام راسها بالايجاب رغم انها بوحدها لاعتبة لا ركبة ، كملو فطورهم تا قال مهدي ، الواليدة انا انمشي تحتاجي شي حاجة ، لالة كلتوم: سلامتك احبيبي ، احلام بقات مزيرة شكون ايوصلها مكرهاتوش يوصلها معاه لدارهم شافت فيها لالة زهرة فهمات مالها وقالت: ولدي مهدي وخا نوصل معاك احلام ايكونو تشوشو عليها دارهم ، شافت فيها احلام بضحيكة دامتنان فحالا كتقوليها عتقتيني ، شاف مهدي فأحلام وقال : تبغي نوصلك ، شافت فيه بخجل وقالت: ايلا ماكان عندك المشكل ، ابتسم تابانو سنيناتو وقال: لا معندي مشكل ، احلام: انطلع نجيب لافاليز ونجي ، حطات رشا عند ماماها وطلعات خدات لماليطة ديالها مهبطاها شافها ومشا عندها هزها عليها دازت هي سلمات عليهم وباست رشا ومشاو صوت طالونها كيتسمع فارجاء الفيلا وبقات واقفة تاجا عندها بلوطو ديالو كانت رانج روفر بيضة خلات لباب وركبات لقدام ، كان فكامل وسامتو عويناتو لي خليط بين الخضر و العسلي ونيفو لمنكاد و لحيتو الخفيفة مطراسية وتاه الكحل وجا معاه كتأمل تعابير وجهو ضاحكة، مقلقة ،ناشطة، تا قاطع تأملها بسؤالو: مقلتيش فين ساكنة ؟؟ ، قالت ليه ببشاشة : كتعرف **** تماك ودور على ليسر ، مهدي: وخا اا (تنسات ليه سميتها وقال) شنو سميتك ؟؟، جوبات بكل هدوء : 🤍احلام 🤍 قاليها : متشرفين انا مهدي ، ابتاسمات ليه تاوصلو لدربها ، هبطو من لوطو وجبد ليها الباليزة ديالها شداتها وسلمات عليه : شكرا بزاف وسمح ليا عدبتك معايا ، مهدي : لا مكاين مشكل بسلامة ، احلام : بسلامة نهارك مبروك ، مع دورة لي غادور كتلمح ايمان ختها واقفة بكابيتشو فلغوز بارد وسروال سبور كري دايرة لقب على راسها
نسات مهدي لي واقف حدها مركزة مع ختها كانت واقفة مع واحد لولد فاواخر عشرينياتو متكي على الحيط رجل موقفها ولخرى تانيها فيديه كارو كيسف وينفت دخان فسما وكيهضر معاها عرفاتو شكون هو وشكون لي مايعرفوش لبزناز د الحومة قرأ معاها الاعدادي كان مضوبل ومعاود تا خرج من لقرايا ، ايمان كتهضر فحالا كترغبو ولا كطلبو وهو كيحرك راسو بلا تاقشع احلام قشعاتهم وتاهي عرفاتو شافها شافتهم (شي شاف شي ) ضورات وجهها كان مهدي مشا تنهدات ومشات لدارهم كتفكر اشجاب ايمان لداك خيينا وبدات تحط الاحتمالات دخلات لدار كان صداع كتر من ديال لبارح عرفاتهم جاو على قبل باها وسبوع عمر تفكرات هاد الاخير جبدات تيلي ودوزات ابيل لنمرتو : الو عمر ، جاوبها: وي احلام شتك ماجيتيش البارح ، احلام : غيير سكت تانجي ونعاود ليك شطرا واش اتمشيو لدار عمي ولا لدارك، عمر: لدار اصاحبتي دار عمك مطرطقة بلبشار نكلس فيها انا ، احلام : وصافي انا انمشي نتقدا داكشي لي خاص وندوز نجمع دار ونوجد ليها باش تقوت وليك ماتجغدد يالاه راه غير بمسبتك كتمشي ليا تعبيئة ،قطعات عليه وطلعات لبيتها بجرية بدلات حوايجها و جبدات فاليز بدات تجمع فحوايج باش اتبدل جبدات دوك ليبواط د دهب وحدة حطاتها فلكوفر وهزات لفلوس لي غاتحتاج و سدات عليها ولخرى اترجعها لدهايبي وهزات تاتكشيطا وخرجات بزربة نسات متسورت بيتها كيف عادتها ، دازت عند دهايبي ردات ليه لمضمة و دازت عند سمية تاهي عطاتها امانتها دازت لسوق ومشات عند واحد لمرة كبيرة كتبيع دجاج البلدي خدات فروج والبيض بلدي وداتو عند دجايجي يتدبح كملات تقدية ديالها وشدات طاكسي صغير داها لدار عمر كانت شقة وسط عمارة ، عندها ضوبل سوارت دار ، حلات كانت دار صغيورة ومتيولة مقابل لباب سيجور بفطويات دياولو فلكري والبيض وبلازمة فلحيط و حداه صالة كبيرة شوية مفرشة فراش بلدي بسدادر وكليسات بطلامط كرونة وباج معلقين فيها ايات قرانيه و طابلوات و كوان عليه ديكورات وطبلة بلاناب وطويبلات صغار وجوج شراجم كبار بريودوات ديالهم كانت احلام يالاه خملات مع مراة عمر صالة وقادتها ليها دازت نيشان الكوزينة وبدات توجد ليها وتقاد صاوبات ليها كلشي وحطاتو غسلات لماعن فاش وجدات ودوزات تجفيفة بسانكروا وبدات تعمر تمر بلكركاع ولوز وتحط فطبيسلات تقادات كلشي وبدلات حالتها ودارت فلمبيخرة عود ند سمعات دقان مشات كتجري للباب كان عمر هاز صيكان وموراه مراتو كانت كتبان صغيورة فحالا فعمرها سبعطاش لعام ، لابسة حجاب شرعي وهازة فيديها تدريبية فمانطة غوزية ملامحها طفولية وكيوت عوينات مجبدين وحنيكات مطيبزين مع فيم صغير شافتها احلام درمات فعمر ودازت عنقاتها فرحانة بيها ،احلام: مرحبا ياختي مرحبا وينك ويتك على زين ولد زين انشوف لبنوتة ياختي ماشاء الله ماشاء الله تبارك الرحمن ، مدخلها وهي كتسرسر مكتسكتش ، عمر: شفتي شفتي ياك كتشبه ليا ، احلام ميقات فيه و قالت: كتشبه ليك منين جاتك آش جاب لورد لشوك ونتا تشوفك لغنم ماترعى سكت (كتعيبو ) كتشبه ليا ، عمر: طلقي ليا بنتي متهزيهاش اتخلعيها ونتي وجهك فحالا دايزة عليه دكاكة اش طرا ليك (كانت نسات وغسلات وجهها وبانو لي طراس ديالو
احلام: اويلي علاه مافراسك فلعرس باش عيطت ليك كنت كنقاد لحوايج وطاحت عليا لباليزة (مابغاتش تقوليه كريساوني و خربقات عليه) داكشي لاش ماجيتيش لعندك البارح ، عمر ماتقيهاش نيشان ولكن دار عين ميكة : اممم و الله يشافيك ، هضرات سناء مرات عمر: ديري ليها تلج راه زراقت اصاحبتي ، احلام: راه كندير ليها واحد لبوماد ايوا كيبقيتي ازين لبارح هاد راس طنك طيح مني نص خلعني كان شوية ويولد قبل منك (شافت فعمر) وخفتي عليها العفريت ها ،عمر عنق مرتو بيدو وباش راسها وقالت: وشكون عندي نخاف عليه ،احلام: اولله مابقيتي كتحشم حشم غا مني انا لي كبر منك ونتا كترومانسا ليا نوض الله يمسخك نوض تسخر ، عمر: فين ماشفتينيش يالاه دخلت مدكدك، احلام: مدكدك كنتي كتنقل الحجر سير تسخر جيب الحلوة ناس ايجيو يشوفو تربية و ( وقفات فحالا تفكرات شي حاجة وقالت بحماس) شنو غتسميوها ، نطق عمر : مها تسميها ، سناء: انا بغيت ختي احلام تسميها، غير كملات هضرتها طارت عليها احلام كتبوس : يخلي ليا الحب يخلي ليا العمر ياختي عليك ازين ، عمر: لا منخليكش تسميها تمشي تسميها ليها شي سمية من للفضاء ، احلام: مالك مالك محساد واسووقك انسميها انا وانسميها رغد ، عمر :هالي قلت سميوها فاطمة الزهراء ولا لبنى ولا امل ، احلام : على سميات الاكس عقت بييك امن غير رغد مغاتسماش سناء عطاتني المهمة خرج هاد سوق وخرج سير لعند *** وخود الحلوة نص كيلو من ربعة دشكال وختارهم زوينين هادو صابلي وخود نص كيلو من ربعة د شكال من حلاوي دلوز صافي وعاوتاني جيب داكشي عوج لمارديت داك لحلوة طحين فوق راسك راه ما ولدات فيا منى (ماماها ) وماربات فيا سعاد( لمرة لي رباتها) غا لخلا ، عمر : نموت ونعرف منين كطفاي هانا غادي ، خلاها ومشا وهي عونات سناء تبدل وحطات ليها تاكل ومشات تكمل غراضاتها ✨مكان اخر ✨ بضبظ فمنزل احلام ولكن فبيت ايمان لي كانت حانية على طاولة مكتبها شادة ورقة مقوى و كتقاد فمسحوق فحال طحين بيض كتقادو و تسطرو تاولاو تلاتة د سطورة مستفين لوات لورقة ونزلات تاتسف فيه بنيفها تاولا حمر وطلعات راسها كتحس براسها مكالمية ، الحياة ولات وردية فعينيها فحالا كالسة فوق سحاب بدات كضحك ونزلات سفات تاني وتالت و مسحات داك لبيرو ورمات لورقة فلبوبيل و جمعات لخنيشة وخباتها فلكادر ديال تصويرتها لي معلقة مور فراشها كتشمر بنيفها وتحكو تلاحت فرحانة كتحس بنشوة تا كتفكر بلي خاصها تخلص سيمو (لبزناز) فسلعة لي خدات كلسات على طرف السرير كتفكر منين غتجيب الفلوس داكشي لي عطاوها باها ومها يالاه خلصات بيه لقديم
عمتها ماتقدش تطلب منها عيقات عليها اتبدا تشك وخا ماتقول ليها والو تاطاحت احلام فبالها صالون مدخليها لعاقة كتلبس غالفريع وكتحط معاهم كتر من نص فلمصروف (🌸ملاحظة🌸 لمدخول داحلام ماشي غير من صالون عندها مداخيل وحدة اخرى مع الاحداث اتفهمو كلشي غير تبعو مع القصة ❤️ love u❤️) خاصها تعرف واش تاتحط لفلوس فدار ووقتاش تاتحطهم ناضت بزربة مرة مرة تاتميل بفعل لادروك هو مفعول تايخليها ترخى وترولاكسا كتحس براسها مرتاحة و فرحااانة طلعات لفوق فين كاين بيت احلام من بعد ما كانت كتنعس مرة فصالة صغيرة مرة فبيت لكلاس مكانش عندها بيت تاخدمات شافت لباب لقاتها محلولة جاتها عجب هي ديما كتسورتها دخلات كان بيت احلام مصبوغ بلكري وفيه زواقات وروسومات فلكحل كان صغر من بيت ايمان فيه سرير متوسط بكوفرلي فلباج و الحمر حداه ماريو كحل و مقابل معاه كوافوز عليه مستحضرات تجميل و العناية الخاصة بيها عاد بلاكار دصبابط وصيكان وعلاقات دالحوايج معلقين تصاور قلال لاحلام وهي فطفولتها ومراهقتها وحدة فيهم مع سارة و كاتبة عليها the best sista ❤️ ووحدا اخرى ديال مرا طبق الأصل على احلام فلباس العروس وفجهة اخرى كانت معلقة شهاده الباكالوريا بميزة حسن جدا و شهادة اخرى ديال مدرسة الحلاقه و اخرى ديال اتقانها للفرنسية رغم ان مساحة البيت صغيرة الا انه مقاد ومتول ، ضورات ايمان عينيها فلبيت كتبركك فيه وبدات تقلب بشوية كتحاول مترونش باش ماتشك احلام فوالو قلبات القنات كتلقا غا صرف صغير كلسات على الكرسي كتفرك يديها بتوتر بقا ليها حل واحد وخاصها ديرو ولا سيمو ايدير ليها شوهة ناضت خرجات من لبيت هبطات فدروج نيشان للبيت لي حدا بيتها بيت عمتها حياة ، دخلات كتسلت لايمشي يشوفها شي حد كان بيت كبير فيه جوج شراجم بريودوات ديالهم فلباج لبيت مصبوغ بلبلون كاسي بسرير كبير و كوافوز بلون القهوي وبلاكار نفس شكل الكوافوز و لون الأثات باينة عليه قديم فوق لي طابل دونوي محطوطة صورة حياة بفستان زفافها رفقة عريسها و طابل لوخرى صورتها هي و ايمان ،هزات ايمان كرسي وطلعات فوق منو مدات يديها كتقلب تاجبدات بواطة قهوية حديدية كانت بلا قفل حلاتها كان فيها لفلوس زرقة مور ختها و شي حاجة ديال دهب هزات لفلوس حسبات الف درهم يالاه اتسد لبواطة رجعات هزات ربعالاف وحدا اخرى ورجعاتها لبلاصتها حبات لفلوس فسوتيام ديالها رجعات لكرسي وهزات قرعة دزيت دشعر احتياط لاتلاقات عمتها ديرها سبة
💜مكان اخر 💜 هاد لمرة بعيد على لونتوغاج داحلام فمحل كبيير خاص ببيع تواب طلامط وزرابي كان كالس فوسط المكتب ديالو شاد لي فاكتير تايشوف شنو تخلص وشنو باقي وسلعة لي غادخل مركز فخدمتو تاكيسمع : السلام عليكم ورحمه الله وبركاته ، هز راسو كان راجل فسبعينيات من عمرو فوجهو تجاعيد زمن متكي على عكازو ولابس جلابة فلخضر ملكي و فوقية فلبيض وطربوش ، ابتسم مهدي تا تغمضو عينيه وناض احتراما ليه وقال: وعليكم السلام كيداير اعمي الحاج لاباس بيخير كيدايرة صحيحة ، الحاج : بيخير اولدي الله يرضي عليك كي داير نتا مع العمل ومبروك مادارت ختك الله يكمل عليها بلخير ، مهدي: الله يبارك فيك ايوا اشحب الخاطر ، الحاج: جيت على ود ديك سلعة لي كومونديت ، مهدي : واجدة الحاج دبا يقادوها ليك دراري يوصلوها ليك تال للمحل ، الحاج : هادا المضنون فيك اولدي الله يرضي عليك ، وصا مهدي دراري على سلعة تاقادوها و خدا الكمالة د الخلاص كمل خدمتو هز سوارت لوطو صايك مركز فطريق تايوقف فواحد فوغوج تايضور عينو تايلقاها هي فطاكسي صغير مهبطة لمراية وكتعكر تصدم من جرأتها، ردات لمراية ودارت كتهضر مع مول طاكسي وتضحك كيقول مع راسو تكون تاتعرفو يمكن صاحبها ولا راجلها تعصب و معجبوش لحال شاف لإشارة كانت باقا حمرة 🌸عند احلام 🌸 احلام: واااصاحبي عمرك تقدر دير الحاجة بوحدك مخلي ديك لولية بوحدها فدار ، عمر: داك لولية راه فعمرها ستة وعشرين عام ماشي ربع سنين ونتي دايرة ليها كي لبيضة غير هي لي ولدات ، احلام تاتدور راسها: راه نتا لي عندك عماين المغيار وناااري تايغير من كلشي وعلى كلشي ياربي سلامة ، هبطات لمراية كتعكر ، عمر: ابارك من داك لعجب ، احلام: واهدااا عليا ماشي مانع مرتك تمنعني تانا انا ماعلينا حكام باقي ماجا مون بيبي داموغ لي يحكمني ، عمر: وشكون قالك ايجي راك اتبقاي بايرة فلخر ولادي ايعيطو ليك دادا ، ضرباتو احلام بتقرفيدة : بزااف عليك قالاك شوف راك تاتجبدني ، ضحك عمر وقاليها : صافي صافي مايبقاش فيك الحال شوفي ديك الحديدة لي فجنب غيي بريط مديريش شوهة، ضارت احلام ضورة ديال الخضارة وقالت: هادي، لقاتو ساهي فيها قفزاتو ، عمر شد فراسو وكسيرا دارت ليه شوهة: اديك المشوهة الله يعطيك شوهة ، احلام: فخبارك ديك لوطو ديالمن، عمر: ديالمن؟؟، احلام: ديال خو لي خدمت ليها لبارح ، عمر: حلفي ، ردات عليه: والله راه جيت فيها هاد صباح هو لي وصلني ، عمر : واش تايجيك يوصلك ، احلام : سوقك لقيتك توصلني ماديرو خير ماتجريو فيه ولكن عرفتي ركبة فيها خطيرة ،عمر: الله يعطينا مناش ، تنهدات وقالت: امييين ونولي تانا لاباس عليا ونماكي للفنانين والمشاهير ونتشهر وندير لاباس ونسافر وندور ونشري فيلا و ، قاطعها عمر: فيقي فيقي راه وصلنا نزلي : ،
كانو وصلو حدا محل كبير خاص بداكشي ديال ترابي ودراري صغار اعلاه لافتة مكتوب عليها اسم المحل دخلو وهي كتقلب بعينيها تاشافتها كانت هدى هي صاحبة هاد المحل وباش عمر بغا يتقدا داكشي لي ناقص لبنتو داتو احلام نيشان لعندها ، جرات عمر من يديه غادة ناحيتها هي لي كانت كتهضر فتيلي لمحاتها جايا و قطعات سلمات عليها وقالت: مرحباا زارتنا بركة ، احلام : ربي يخليك ازين هادا خويا عمر و كان باغي يتقدا شي تواشي لبنتو ماطحتي غانتي فراسي ، هدى: مرحبا مرحبا زيدي زيدي ، مشات احلام تاتشوف لكونات ديال لي بيبي لي فلغوز وهدى كتشوف معاها عمر كان واقف حداها فحالا اتهرب ،احلام: انا عجباتني هادي فنة ياك أهدى ، هدى: اه و زوينة بنسبة لتريبية ، احلام: عجباتك ا عمر ، هز راسو بالايجاب ، هدى : صافي نوصيهم يجبدوها ليك دازو تايشوفو لي بوسيط واحلام تاتنقز من قنت لقنت تا كيسمعو صوت روجولي قوي : هدى ، كان مهدي هاز فيديه رشا و صاك ديالها ، مشات هدى سلمات عليه وهزات بنتها رشا هاد الأخيرة لي شافت احلام بدات كترطا بغات تمشي عندها عقلاتها مدات ليها احلام يديها تجي لعندها وهزاتها : أجي أجي عندي وييتك وييتك على للفنون ، هدى: ياحليلي عقلات عليك ، احلام : انا راه تايعقلوني دراري صغار عزيزة عليهم (شافت فرشا كتهضر معاها) ياك اكبيدة ياكي يخليك ليلي ، فهاد الاثناء كان مهدي وعمر واقفين تايشوفو باعضيتهم مهدي مخنزر فعمر وعمر كيقول فين شفت هاد الوجه تاقال : احلام خلينا سناء بوحدها يالاه راه تعطلنا ، احلام: واخا ختي هدى عافاك جمعية لينا الحساب ، هدى : هي لولة ازين ، جمعات ليهم هدى الحساب وداكشي لي خداو هزو عمر وحطو فلكوفر د طاكسي و احلام خلصات هدى لي مابغاتش تشد من عندها بزز باش تخلصات وهي كتسب فأحلام شدات هدى بنتها و خرجات احلام رجعو فحالهم ، مهدي شاف رشا مبرزطة ماماها وقال: نشدها عليك ، هدى: هاك الله يسهل عليك ، مهدي: هاد لبنت ماشي ليكانت معانا لبارح ، هدى كتشوف فلبيسي وكتهضر معاه: اه هي جات هي وخاها يتقداو لترابي لي تزادت عندهم ، مهدي جوباتو بلا مايسولها اصلا هي فيها لهضرة بزاف قال: اممم وهي مامجوجاش ، هزات هدى راسها وقالت: ونتا مالك داير ليا تحقيق شي ان تما ، مهدي: لا لا مكاين والو غا سولت عادي ، هدى كتفرنس : اممم عادي لا مامجوجاش ، مهدي: مزيان مهم انا مشيت هاكي بنتك، هدى: واياك اتشدها ومالك دبا شوف ديها معاك ، مهدي: انا اندوز للبازار ماعندي كي ندير ليها قولي لوحدة فلبنات تشدها ليك يلاه بسلامة ، مشا خارج ضحكة واصلة ليه لودن علاش هو براسو معارفش لاش تايضحك ، دازت سيمانة بسرعة رجعات فيها احلام لصالون و مرة مرة كتمشي تقابل سناء و وقفات معاهم نهار سبوع ،واقفة كتماكي للعروسة لي عندها ليوم الحنة ديالها سالات ليها لبسات لبسة لي جابت معاها و خلصات ومشات فلوطو دالعروسة وهي كلسات كتستف فلماطيريال لي جبدات كانت تلاتة دالعشية دنيا صاقلة ليلى كتشطب و مريم كتمسح زواج تادخلات سارة لابسة عباية كحلة وشال حازمة بيه راسها باين عليها الغمة و البكية شافتها احلام وقالت: سارة ياك لاباس مالكي ، سارة: مامالي والو كيدايرة نتي ، احلام: صافا شحال هادي ماشفتك كتصوني ليك تنلقى تيلي طافي ياك لاباس ،سارة : صراحة ا احلام محتاجاك ، احلام : على راس و العين مالكي، سارة: بغيت شي فلوس ضروري ، احلام: لاش بغيتيهم واش طاتي مريضة واش وحدة فلبنات ، سارة: لا دار مزيانين لفلوس انا لي محتتاجاهم فواحد لحاجة ضروري ، احلام تشوشات وقالت: شحال خاصك ، سارة: 4000 درهم ، احلام: صافي كلسي تسناي نجيبها ليك ، وخا سارة كدير معاها الخصايل كتسامح ليها كتقول لعشرة وسنين وحنا صحابات و منضربش هادشي فعرض الحيط و كتعامل معاها بحب وطيبة ولكن واش ايبقا تعاملها معاها هاكا ديما ولا لا الله اعلم ، جابت ليها الفلوس فجوا وعطاتهم ليها شداتهم وشكراتها عيات احلام ماتحكر عليها تعاود مابغاتش خلاتها على خاطرها ورجعات تصاوب للكليانة سالات بكري خلات لبنات سوارت يسدو ورجعات قبل لايضلام الحال غادة فلحومة تا كتشوف ايمان واقفة عاوتاني مع داك البزناز مشات كتسلت تاوقفات قريبة ليهم كتسنط على اش تايقولو،