قصص بالدارجة المغربية
![]() |
بقلم : فرح حدادي |
الزهـوانـي و المـرأة الحادقـة:
بقلم : فرح حدادي
الجزء : 1 

كانت عاد فايقة من نعاس شافت جنبها بان ليها ناعس عاري و ايزار مغطي ليه غا نصفو لتحتاني
و كتافو لي فيهم خوية فالوسط على شكل vu عاطينو جماال خاص
بقات غا حالة عينيها كتفكر احداث ليلة د لبارح و كفاش تعامل معاها خلاها تعيش فعاالم ديالهم غير هوما بجوج خاص بيهم
حتى كتسمع صوت رنين الهاتف ديالو فأدنها
كتافات بصمت و عدم الاكترات بقات جامدة فوضعيتها
حتى كتسمعو جاوب فالهاتف ديالو و هي كتسمع لكلامو لي نغارس فاذنيها بحال سم
مهدي:الو حبيبة ... اه تنا توحشتك ...واش تسطيتي نتي هي كولشي ...شحال من مرة خاصني نقوليك بلي غا لواليدة لي بززات عليا فهاد زواج و انا بغيت غا نسد ليها فمها اما نتي غادي تبقاي فالقلب و فشي حاجة اخرى .... هههه ياك داكشي لي بغيتي ليا غا المسخ حبيبك انا ... عرفتي ازين ديالي توحشك بزااف ... تنا بب نتلاقاو ليوم بليل بسلامة
بقات نعيمة غا كتسمع لكلامهم لي خلاها جامدة شنو هادشي كتسمع و فاش هاكا علاش يتزوجها اصلا و هي لي قبلات بيه واخا من طبقة فقيرة و خدام غا سرباي خرج منو هادشي اييه قالوها ناس " عطي لخرا قيمة احساب ليه راسو شكلاط "
تسناتو تا خرج و ناضت جلسات حتى كتحس بالالم فانوتثها بقات كتبكي تا نشفو دموعها و تكلمات
نعيمة : بغيتي غا لعب انا مولاتوناضت نعيمة على سعدها ووعدها دوشات و جمعاات الدار ديالها لي كراها ليها حيث فضل يعزل على مو باش متبقاش حاضياه كيف كانت ، فين دخلتي منين خرجتي
هزات كريم بريحة الفانيليا دهنات بيه لحمها و دارت مكياج برز ملامحها اكثر ،حاطة كلوس بالأحمر كيلمع وايلاينر رقيق طولات شفارها بلماسكارا و دازت للباس ،لابسة نص كوم بالأبيض وسرواال دجين بالاسود جاها مطرطق مع فورمتها الصبورتيف ومع ليهونش خارجيين من جنااب جات فنة، لبسات سبادري خفيفة بالابيض صيفية و شافت انعكاسها فالمرآة ، الشعر مطلوق و الضفار مصبوغين بلون جا معاها ، كانت مزيج بين الهدوء و الجمال وهنا قصدات
مكان العمل د زوجها الكريم
بعض دقائق فقط كانت حدا القهوى ديالو
شافت الانضار كولهم توجهو ليها بتاسمات بنصر داكشي لي كانت باغا نيت ، طلعات نضاراتها فوق شعرها و زادت كتمشى بمشيتها المعتادة كدور فديك طرمة عندها
هو كان كيضحك مع احد الزبونات لي كيجيو لقهوى كيبقى عاطي ليهم تعناب و تا مول شي عاجبو لحال كيشد ليه الكليان بهكاك
مشات كلسات فطبلة مقابلة معاه و هزاات تليفونها بشياكة
نعيمة بصوت جامع بين الغرور و الثقة : كارصون
عاافاك
توجه لناحية داك الصوت الانثوي المحلون بلا قياس جاه قريب لشي شخص معرفش شكون هو ؟
كانت كتبان ليه غا من الوراء باينة بومبا مولات هاد الصوت ، غير من الوراء باين البلان واخا باقي كعما شاف وجهها حكم عليها من خبرتو فالنساء ، وقف قدامها ناطق قبل ميحقق الشوف
مهدي: اشحب الخاطر ازين ؟؟
طلعات فيه راسها أكثر حتى تلجم ليه الفم
مهدي :ن ..ن. ..ن نعيمة شنو كديري هنا ؟؟نعيمة حيدات نضاضر من فوق راسها و خشاتهم فالفرقة د صدرها خلاتو غا حال فمو و ريوقو غا كيسرط فيهم، شافت فيه بعينيها لي واخدين لون د البحر كتسيفط ليه القرطاس بنظراتها و تكلمات و هي كتحرك فشفايفها بطريقة مثيرة
نعيمة بعيون رقصات بيهم على قلبو: هادي بلاصة الخدمة اسي مهدي ولا لا ! خاصك تصرف على هاد الأساس
مهدي تخالط عليه كولشي من جهة محملش يشوفها هنا وهي بهاد لبس ،داك تريكو البيض لي لابسة الكول ديالو عريض ومن جهة تلفااتو على القبلة بزينها، هو من لول كانت كتعجبو ولكن الأكثرية د المرات لي شافها قبل زواجهم كان كيشوفها غا بجلالب و شفنجة فالراس عمرو صادفها هاكا بهاد الجرأة
مهدي : من بعد نتفاهمو على هاد لباس ، هادي بلاصة الخدمة كيف قلتي ، اذن تسناي
عيط على صاحبو الروح فالروح يسربي فبلاصتو خلاه كيتشكا
مهدي: مغنخدمش هاد نهار شادو كونجي مع مرتي
محمد : وااا عيقتي عليا اصاحبي
مهدي بااما يحس من طبعو خضر وزهواني مكيوزنش كلامو : تا بركة من الهضرة كي الولية خليني نمشي ندير ولادي
بقاااو الزبائن لي قراب ليهم كيضحكو عليه، أما ست الحسن فبثات واقفة مشوكية كتشوف فيه بستغراب كيف دغيا قلبها ضحك و هي زعما لي باغا بفعلها تعطيه علاش يدور و تقلل منو ، الفكرة لي عندها هي أي راجل مكيبغيش مراتو تقاد و تصاوب ويشوفها غيرو ، ساعة لقات هدا دمو بارد ، شعل شوية و طفا ، عاجبو تغييرها
رما الطابلية د الخدمة على صاحبو وتوجه عندها جارها من يديها دار يديه فيديها و بقاو غادين ، هادشي كامل و هي مضهشرة فيه وقفو عند مول البابوش رد البال كيف ساهية و جبد ليها حنكها
مهدي و سنانو المساتفين غا يضحكو :ضحكي شوية ا زين
نعيمة باقا كتسرط شخصيتو لي عاد كتعرفها : ضحك غا نتا لي سنانك بيضين
ضحك معطلهااش و شاف فمول الكروصة
مهدي: عمي أحمد أرا شي جوج جبابن د البابوش
هز العود بداا يااكل و هي غا حابسة و تشوف حتى كيبقا عليها كولي كولي و يخشي لييها ففمها و هي تقول مبغيتش حتى يحل ليها فمها بزز ويوكلها ، هادشي كاامل و ضاااحك فاقصها
زاد جبانية د الحمص عاد جرها قداامو و هي غا ساكتة و حاضياه ، مساريها فالمدينة راشقة ليه و غا كيبان ليه شي محل ولا شي حاجة زوينة د الماكلة كيشريها ليها، ممخليش ليها كااع مجاال فين تهضر و حتى إلا هضرات و قالت مبغيتش يشري و يقول شدي بزز
وصلو قداام واحد المحل مخلط د الحوايج كاتبين فيه صولد وجرها تاني حتى نفاجرات عليه بالأعصاب مگيدها كيف بغاا
نعيمة : و طلاق ازمر ضريتينيمحسات بيه تا خبطها لقرفادتها و باقي الجو ديالو هو هو تقول ماشي هي لي غوتات عليه
مهدي: ياك البقرة لقيتي لي يتهلا فيك و كتعايري ! "دور عينيه على المحل تا بانت ليه كسوة بالكحل زوينة و صيفية " شوفي ديك الكسوة تجيك واعرة المدام
جرها من يديها وقربو للملابس د النساء بقا كيشوف فيهم و يختار و يحط عليها الكساوي و سراول يشوف كيغيجيوها اما هي عقلها مع لي كان يهضر معاها لبارح و كتقول فراسها واش حتى هاديك كان يدير معاها هاكا
مهدي شاف فسرواال دجين د أكبر طاااي و هزو فيديه كيقيصو عليه و عليها
مهدي : شلااا بطييخ أتهز هاد الخيشة
قربها لحداه و ماطا ليها جنب د السروال تشدو بيديها
مهدي: ههههه هاد السروال نتخشا فيه أنا وياك وولادنا و يشيط الخير ،يهز اقتصاد دولة
محسااتش براسها حتى ضحكاات بلا خاطرها سالا معاها ، و كيفما كيقولو الضحك معدي حتى بصح ، كانت مقلقة بسبابو و غا بنشوطيتو وضحكو ضحكها تا نساها القبلة
مهدي فرح فاش شافها كضحك : ههههه وهكاك ا زين ضحكي ليا يضحك ليك الخير
جرها لجهة حوايج رجال وبدا يتخير وياخد رأيها فالحوايج حتى طلقات معاه أكثر
مهدي : انا غندخل نقيس هادشي و عطيني رأيك صافي انعيمة
نعيمة : هانا كنتسنا
دخل لتماك و هنا هي لقات الفرصة فين ترجع لتفكيرها هو راجل زوين ، عينيه كحلين و لحيتو مطراسية ، مقبول من عند الله ديما كتشوفو ضاحك ، أي وحدة طيح فيه كيما وقع ليها هي لي غا شافت الزين تناسات حتى خدمتو لي غا سرباي و قلة الشي لي غتعيش فيها معاه ، واخا السيد قاري غا مزال ملاقيش خدمة كيفو كيف بزااف د الشباب بتعاملو معاها خلاها تنطق
نعيمة : زينو شافع ليه ، غزال الزلال لااخر
دغيا خبطات على راسها : اويلي اشكنقول انا ! متنسايش انعيمة نتي سمعتيه كيخونك ، سمعتيه كيهضر مع وحدة اخرى فأول ليلة ليكم دخلي هاد لفكرة لراسك
خرج عندها لابس سروال دجين رجالي واسع مع قاميجة فالرمادي فااتح عقداتها لقداميين و ضارب سبرديلة فلون القاميجة ، دور وجهو لجنب كيتبومبا عليها و يقاد فشعر لي داير ليه التشويكة
مهدي : هانا كيجيتك ؟
طلعااتو و نزلاتو و الإعجاب واضح من عينيها
نعيمة : جيتيني عريس
مهدي : هههه وراني عريس نيت اعروستي ،صافي غندي هاد لبسة
خلص لبستو و مشااا معاها حتى هي جارها لجهة التقياس د العيالات ، حلف ليها تا تقيس الكسوة لي بانت ليه كتشوف فيها
خرجات عندو لابسة كسيوة فالغور و ليني جاتها مزيرة عليها من جهة صدر و مطلوقة من لتحت ماشي كيف كتبان فالمانكاه ،غا طلعها و هبطها مركز عينيه على صدرها لي بان ليه كيبان شوية
عض على شفايفو وبدا كيحرك راسو بالنفي : لا لا لا معجباتنيش ماجاتش معاك
نعيمة وهي كتشوف راسها فالمرايو : اشكتعرف جاتني بومبا
مهدي: دباا وااش غنكدب عليك ؟ شوفي ديك الكحلة د قبيلة غتجيك ناضية
نعيمة: غنشوف هادي مقنعاتنيش بزااف نيت
بقات كتبدل تماك كل مرة تخرج بلبسة و هو يعطيها فالاراء و يرمي ليها شي كليمات يخليها مبلوكيا مرة مرة ولا ميتة بالضحك
مسالات تقياس ديال داكشي لي عطاها تا سخفات ..اوا يا لا لا يالاه بغات تخرج من المحل جرها لجهة أخرى
مهدي : مزال مسالينا الغزالة
بقا كيشوف لفوق فواحد جهة بانت ليه عامرة غا بلي شوميز دونوي و ليدوبياس اشكاال و انواع بقا كيشوف فيهم كاملين و عينيه ناويين على الغدر
تا جات عينيه على شوميز دونوي بالأبيض ثوبها حريري و نازلة من جهة الصدر فيها فرقة من جهة د الفخض عاد لبينوار ديالها لي كيجي من لفوق
تخيل كيغتجي بيها بتاسم و بدون تردد هزها بلاما يكثرت لتمنها و تكلم
مهدي: هادي تال دار و قيسيها نشوف كيغتجيك
....
من بعد اربع ساعات ديال دوران و تسركيل و من بعدما مشاو لجردة و تكا على رجليها حالف لينوض و هي كتحمار و تخضار بوحدها و تنغز فيه بااش ينووض
نعيمة : هاويلي شوهتيني
مهدي : مشكلة هادي ، خلينا نتصنتو !! سمعي الهدوء د الطبيعة
غا نطقها تسمعو شي براهش صغار حاضيين واحد الكوبل و كيغوتو تسمعات
- وااا طلق الدجااااجة لماالـيــها
غا سمعوهوم محبسوش من الضحك
مهدي: ههههه نسيت بلي حنا فالمغرب
نعيمة :هههه الهدوء نيت
________
رجعو لدار غا حلو لباب مشا لدوش نيشان يخفاف شوية
خرج لابس غا شورط فالكحل قصير و هاز فوطة صغيرة كينشف بيها راسو
اما هي غا دخلات بدات كتقيس داكشي لي شرا ليها عجبها يالاه وصلات لشوميز لي شرا ليها قالت و الله تتجرب تشوف كيغتجيها كملات لبس و بقات كتشوف فالمراية و كتعوج و شعرها شداتو كوتشوفال لفوق و طلقات جوج جعاطط من لقدام تا بان ليها تليفون حداها طلقات فيه اغنية مصرية كيف عادتها كتحماق على شطيح .هزات زيف د رقص من ملابسها بالاسود كان عامر بدراهم فضية خفيفة
و بدات كتمايل على ايقاع الموسيقى
بدات كتحرك يديها بحركة الافعى تا نزلات تال لتحت و بدات كطلع تاني بخصرها و يديها ضاماهم لصدرها تا تسمع صوت طمطامة حركات خصرها على إيقاعها السريع و وقفات على اصابع رجليها كدور و مع دورة كتلوي مؤخرتها
تسمعات تلاثة د ضربات د ليباتري هزات رجليها ليمنى على اثرهم لقدام رافعاها تا بان فخضها كامل من ديك لفتحة و يديها حطاتهم على جنبها و حركات مؤخرتها طق طق طق
عاد تطلقات الموسيقى نيت و بدات كتحرك على انغامها و كتمايل بحال الراقصات المحترفات
و غافلة على العينين لي مراقبينها منين خرج من الدوش
شافها بداك الشكل دوخاتو و عاد فاش بدات رقص كملات على مبيه غا كملات لموسيقى
حسات بيدين تحطو على صدرها بشكل مباشر
و بنفس كضرب فعنقها طلعات معاها تبوريشة
فهاد لقطة و حسات برجليها كيخواو بيها
اما هو فمكانش قل منها و عينيه تخلوضو بالشهوة
محسو براسهم تا نغامسو فعالم بحر الشهوات غاطسين فالعمق ديالو
الشهوات لي مخلات حتى حد هاني ماتو عليها ناس و تقتلو عليها ناس اخرين
ناس عرفو كفاش يسيطرو عليها و يوازنوها بزواج و ناس خلاوها هي المسيطرة و خلاو حياتهم تحت طاعتها و خسرو اموالهم و ثرواتهم و ربما ولادهم كاع عليها .اصبحنا و اصبح الملك لله
بداية من بيت العرسان ديالنا
فااق هو لول شاف فالساعة لقاها التسعود د النهار
تفكر شنو وقع بليل وشقاوتها خلااتو مرفوع لواحد درجة عمرو وصلها من قبل ، كان طعم الحلال لذيذ مخليه راضي بيه وبالمرأة لي كتب عليه الله ،
شااف فعينيها المعمشين لي تحتهم حمر و منفوخ بلبكا لي بكات لبارح و بتاسم كيتأمل فيها و فسيكتريس لي خلاه فلحمها ، بتاسم و باسها
بوسة طويلة على شفايفها ناض دوش و لبس حوايجو و خرج لمكان العمل ديالو
________
اما هي فغا خرج حلات عينيها و بدات كتبكي وتلوم فراسها
نعيمة: علاش ستسلمت ليه علاش!! أنا عارفاه كيخوني و درت هاكا ، كان عليا نمنعو انا غنوريه يخوني ، وحدة بحالي مخصهاش تخاان ...
_________
مع 12 دليل جا مهدي من العمل ديالو كان عيان و معول عليها تستقبلو مزيان و يضحك و ينسى الهم معاها
تا كيدخل كيلقى دار مضلمة مشا لكوزينة لقاها موجدات ليه لا عشا لا والو
و مع ذلك قال يمكن غا عيات و صافي
مشا عندها لبيت لقاها ناعسة و لابسة بيجامة واسعة عليها كي الخيشة متسوقش بزاااف ومشا كيفيق فيها ويقبل خدها
مهدي : لحبيبة ديالي فيقي متوحشتنيش
نعيمة : عطيني تيساع
مهدي استغرب حيث كانو بيخير و على خير: مالك
نعيمة : فين كنتي ؟؟
مهدي موسع عينيه : كفاش فين كنت كنت فالخدمة
نعيمة عطاتو بالضهر : اييه كاع هادي خدمة سير رجع فين كنتي
حط مهدي يديه على كتفها بحنان بغا يدورها عندو يعرف مالها تا تنترات منو
طلع ليه دم و هو ينوض فحالو نعس غا فصالة و الأمر موقفش هنا ، حيث هادي كانت غا البداية... ، و
دازت شهرين على نفس الحال دايمن غا صدااع
و المشاكل كرهاتو فشي حاجة سميتها زواج تا مبقاش كيجي لدار كااع قليل بقوة فين كنتي و الوسواس لي دوزات عليه و هو غا صااابر.كانت متعمدة تلبس ليه غا الخناشي باش ميقربش ليها واخا تكون عايمة ونقية غا تشوفو جاي تقلب عليها وجهها و تبداا فالسؤال و النݣير د تعطلتي معامن هضرتي تا شيباتو و فااش يجي يقيصهاا غا يساليو يحصلها كتبكي ولا تنفخ عليه تا نفراتو منها مبقاش كيقرب ليها ... و تزادت على ديك الشهرين تلث شهور أخرين
مقابل هاد السلبيات كاملين دارها ديما كانت كتشعل بنقااوة و الطياب شكاال و نوااع مكتحاولش واخا يقول ليها حاولي متسوقش ليه عند بالها فلوسو كيمشيو غا عليهم اللهم فيها و فدارها بعدا ، تال لليوم سمعات لباب كيدق و مشات حلاتو لقاتو مول الضوء
البشير : راكم مخلصتوش تلث د لما الالة يا غتخلصو يا غنقطعوه ليكم
نعيمة : اويلي حي تاعت مخلصناش
البشير : دبا انا كنكدب عليك غدا اخر اجل
نعيمة :صافي غدا فلوسكم ايكونو عندكم بقات كتسناه يجي لغدا تا عيات مجاش و عيطات عليه
يالاه جاوبها خسرات عليه جوج كلمات :اجي دبا
دخل التليفون فجيبو مشربن جاه هادشي بزااف على الصبر و مل نهار يقول دبا تبدل دبا يهديها الله
غا حل لباب لقاها واقفة حداه بحال العسكري و كتخبط برجليها
مهدي : شنو تاني!
نعيمة : بغيت فلوس ضوء و لفلوس لي نخسر انا ، تلث شهور مخلصتيهش تا جا كيخبط عليا فالباب
مهدي : واش يحساب ليك كنشد مانضة ولا شنو راني عييت مندير ليك فالخاطر ا نعيمة راك مبغيتيش تزݣاي
نعيمة بدون اكثرات : ايوا ياك خدام فقهوى قدها قد السخط و لكليان داخلين خارجين و عااد مول شي كيخلص مزيان ، راني شايفة لقهوى كي ديرين عليها الكليان كيف نمل علاش لي ميكونوش عندك الفلوس
مهدي : قلت ليك تكاايسي راني غا سرباي ما مرة ما جوج ا نعيمة داكشي لي شديت يالاه كفاني فالمصاريف لوخرين د الكرا و الضوء و كريماتك و داك العجب لكحل لي كون غا كديريه بعدا
نعيمة بإصرار : أنا كنعرف غا دااكشي لي بغيت يكون عندي
مهدي واخا وصلاتهم ليه للعظم باقي كيحاول يسايس معاها
مهدي : أه لي بغيتيه يجيك متافق معاك ، فااش يكون عندي راه يدي مثقوبة مكنبخلش عليك وليني فاش ميكونش هادا الله
نعيمة وهي كتكدبو : عندك و مبغيتيش تعطيني
مهدي خشا يديه فجيب و خرجو لبرا صافي شطحات
فوق راسو بالمزيان و بداو عينيه يحمارو : شفتيه كي خااوي بااح تا ريال ما فيه
نعيمة بعصبية : كفاش تا رياال مافيه واش من نيتك بغيتيهم يقطعو علينا ضو و من بعد الماء ولا شنو !! فاش مقادش بيا لاش مزوج بيا ، زواج البراهش هدا
محسات بتصرفيقة منين نزلات عليها عيااا يتحكم فراسو وليني صافي فاش ولا يتعاير مبقا ميتقال
مهدي : نهار لول لي خديتك كنتي عارفاني غا سرباي ، انا راجل و عارف اشكنسواا ، "مهدي و عينو خارج منهم الشرار " نيت راه زواج البراهش كيف قلتي ، الا دبا مبقيتيش راضية بيا لباب راك كتعرفيه
نعيمة و دموع بدااو.ينزلو من عينيها شلال و كتغوت : وصلات بيك ضربني هدا هو وجهك ياااك !!! كنتي كتسارا ليا على السبة باش تمشي عند الخانزات تخسر عليهم فلوسك ، باغي غا تهنا مني !! و الله لا خرجت ليك من هاد دار بت نبت هنا
مهدي :طلعي ليا السكر و قولي هدا وجهي ، خرجي ولا دخلي مسوقيش غا هو الا مبقيتش عاجبك ولا عينيك فشي جهة أخرى كتساراي على الطلاق ،غا قوليها منعطلكش ،العيشة حرارت معاه ..خرج من الدار و خلاها غا بوحدها هي لي بقات كتبكي و الوسواس قاتلها ميكون غا غادي عند شي وحدة
مشات جبدات خمار بالبيض كيما ولات كدير هاد شهرين دايمن مراقبة تحركاتو و كتبعو من لور تعرفو فين غادي و منين جااي و مزاال محصلات عليه تا حاجة
غا لبسات حوايجها بقا عقلها كيدي و يجيب تاني الا معينوش فشي وحدة علاش غيطلب منها الطلاق و يهضر معاها هكاك بدات غا تهضر مع راسها كي الهبيلة
نعيمة : عنداك غا نكون ضلمتو و لا شي حاجة ؟؟ و انا من داك نهار عمري حصلت عليه شي حاجة ، واش نرجع لدار ؟ اوا و الا كان غادي عند شي وحدة نيت ؟؟ و تفلت ليها تشدو متلبس
تبعاتو من لور غا بلحس تا شافتو دخل لقهوة فين خدام و تكا على طبلة
للحضة بقا فيها بغات تمشي عندو تا كتبان ليها بنت ملامحها عسليين و زوينة جاية لعندو حطات يديها على كتفو و جلسات حداه
هي بدورها حطات يديها على فمها و بدات كتبكي دموعها شلال و غا غاديا تشوف رجليها فين غادي يديوها ....
___________
فالمقهى :
اكرام : زين مالو غضبان ؟؟
مهدي :عييت ا اكرام من معاملتها و الله كيبان ليا غا نطلق و نهني راسي
اكرام : اويلي من نيتك ياك داك نهار تفارقتي معايا غا على قبلها و قلتي ليا بلي مراتك ضريفة و زوينة و مبغيتيش تخونها علاش غطلق منها دبا ؟
مهدي : تبدلات ماعرت لمها ولات منكداها عليا وانا غا صابر البنت لي كنت كنشوف و خطبت ماشي هي بيمن تزوجت غا ربعيام د الباكور تسيفات .عند نعيمة لي بقات غادية متوقف غا قدام باب دارهم
حيدات داك لخمار و بقات كدق عارفة باها مغيكونش دبا فالدار
مها لي غا حلات ليها لباب لقات عينيها منفوخين بالبكة جراتها عندها عنقاتها كتشوف يمين وشمال واش شافها شي حد
سليمة : الله ا بنتي مالك
دخلاتها لصالون عمرو براد د اتاي و نعيمة كتبكي و تشكي على مها شنو وقع من الالف تال لباء
محسات غا بنزلة على ضهرة
سليمة : تي نوضي الهبيلة مربيت فيك والو
انا نهار تزوجت بباك كان جابني صغيرة كيهضر مع صحاباتو قدامي و يقول ليا اش كتشوفي
ماشي سوقك و انا كنسكت مع الوقت و تحلوين و لكلام لحلو ولا يحماق عليا و نتي لي كتغوتي عليه و تنكري راه باز لي صبر ليك ، و حتى إلا كان كيخونك نتي تجريه عندك ماشي تنفريه ، بلا حشمة كتقولي كتناقمي منو فالمصروف ، التبدير راه ماباغيه لا ربي لا عبدو و نتي عارفاه على قد الحال و واخا هكاك لي بغيتيها يحضرها ليك ، واش ماشي ولد الناس هدا ؟؟
نعيمة تلم ليها لفم واخا هكاك بغات داافع على راسها
نعيمة : ولكن ...
سليمة: مكاين ما ولكن ، سيري عند راجلك ابنتي تهلاي فيه و شوفي واش مغيتهلاش فيك ، و زايدون متعرفي يكون كان غا كيضحك مع شي وحدة كيعرفها؟؟ دبا حتى الا مشا عند شي وحدة اتكوني تانتي مخلية فالطرح لي حارماه منك وتعقدي عليه حجبانك ، شنو بغيتيه يدير مثلا !! غا دوريها فراسك
نعيمة بقات غا ساكتة : ماعرت ، ولي قااصتو لضهرو قبيلة !!
سليمة خرجات فيها عينيها : و كتهضري من لفوق ؟ تجمعي عليا كون ممخلياش فالطرح نقولو و نتي قتلك غا الشك "ناضت سليمة من بلاصتها " ندي لماعن لكوزينة نرجع نلقاك هنا تاعتك متعاود...
______
ناضت نعيمة مصدومة من كلام مها واش دبا كتقول ليها غا خليه يخونك ولا كدافع عليه ولا شنو تلفاتها مبقات عرفات واش هي لي بنتها ولا هو لي ولدها بقات غادية فطريق و كتفكر بحرا باش فهمات كلام مها و ضرباتها بجرية لدار
لبسات حوايجها تقادات و تصايبات و مشات لقهوة دراجلها تاني
مهدي كان كيسربي للكليان غا شافها كحل بلعما جات تكحل عليه يامو تا هنا و تشوهو
غا وصل حداها تكلم
مهدي : اشحب لخاطر ألالة ؟؟
محس غا بيديه لي شداتها بين يديها لي كانت رطبة دافعة ليها لكريمات زعزعات ليه المشاعر بديك لمسة و هي لي حارماه منها شهراين
نتر يدو من بين يديها دغيا : كنعتاذر هذا مكان العمل ديالي الالة هادشي لي كديري فيه ممنوع
نعيمة ببتسامة و هي مطلعة حاجب و منزلة لاخر :بصح مكانتش فخباري هادي
مشات قدامو مخلياه حاضيها كيشوف شنو بغات دير تا شافها دخلات عند محمد
نعيمة : محماااد عاافاك واخا ندي ليكم راجلي هاد نهار بغيتو فمسألة مهمة بزااف
محماد :غا سير انا نسربي فبلاصتو على سعدي ووعدي شي يتمتع شي يخدم
نعيمة :بعدا راك كتخلص فبلاصتو فداكشي لي مكيخدمش خليت ليك راحة
مشات و خلاتو كيهضر
محماد : و منين غاتجيني راحة شي مزوج بمرأة و شي مزوج بعبد القادر بحالي بحالها ممسوقة كاع متجي عندي تقول ليا راجلي ، انا لي حاس بدقة
{كولا وهمو }
وصلات نعيمة حدا مهدي و شدااتو من يديه
نعيمة : و دبا نمشيو ؟ ..مشات نعيمة جاراه لدار و هو غا حال فمو على هاد التحول لعجيب عاد كانو منوضينها و ضاربها كاع و دبا بحالا مواقع والو
دخلاتو لبيت النعاس و جلساتو فوق الناموسية محسات بيه إينتا شدها من دراعها بتساؤل
مهدي : شنو واااقع !!
نعيمة :خمسة دقايق و انا جايا
رجعات عندو نعيمة من بعد خمسة دقايق
بملابس مثيرة
بلوكاتو و بدات كتقرب ليه تا طلعات فوقو و هو غا كيسول معارفش مالها تبدلات و قبل ميلقى الأجوبة لأسئلتو لقاا رااسو غااارق هو وياها فبحر حبهم ....
______
بعد ساعتين كانت متكية على صدرو العاري و كتهضر
نعيمة : بغيت نقول ليك شي حاجة ؟
مهدي : اممممم
نعيمة :شكون هاديك معامن كنتي قبيلة !!
مهدي : فين ؟
نعيمة : فالقهوى
مهدي :اه اكرام، صديقتتي لقديمة واخا عرفاتني تزوجت بقات كتهضر معايا راه كانت فعرسنا ، غا هي حيث مولف معاها الطنز و الضحك، حسيت براسي كنخونك إلا بقيت كندوي معاها بنفس الطريقة د قبل وعاد تقدري تفهمينا غلط شي نهار داكشي باش تلاقيتها وتفاهمنا ، قلت ليها مبغيتش نغدر مراتي و لا نخليك تنواي بلي كاينة شي حاجة ،و لبارح كان عندها رونديفو فالقهوة شافتني و جات عندي ، كنت انرفع عليك دعوة طلاق كون ما هي
غا سمعات كلامو زيرات على ليزار بيديها و حاولات تصرف عادي من بعد : خاصني نتعرف عليها باينة الله يعمرها دار
مهدي :من بعد نعرفك عليها ضرافات ، عرسها ايكون فشهر ثمنية مع واحد الكاوري ضبرات عليه
نعيمة وسعات عينيها : خارجة الطريق و واخا هكاك قبل بيها الݣاوري !
مهدي الݣور معندهومش مشكل " حبس رااسو كيستوعب بلي فرش راسو "وشكون قاليك خارجة طريق !
نعيمة بتاسمات محركة راسها بالإيجاب : إذن بصح
شدااتو قيطي فهادي يعني باينة كانت صديقتو ديالاش و ليني دارت راسها بهلة و مفاهماش
نعيمة مغيرة مجرا الكلام : الله يسهل عليها مسكينة ، شنو غنديرو ففلوس الضوء لي ممخلصينش ؟
مهدي: خلصتهم قبيلة ، خديت تسبيق من القهوة
نعيمة :ايوا الحمد الله
مهدي جرها من حنكها : وايني تكايسي عليا الفنونو ديالي
نعيمة : حتى نفكر
مهدي: هههه يااك لمك
_______
بعد مرور شهر :
نعيمة جات عندها عائلة راجلها ضياف ، مقصرات من جيهتهم فحتى حاجة مخلات مقاداات ليهم مكاين غا خالي عمي جدي و تا مهدي عجبو لحال ، دارت ليهم الخاطر حتى مشاو فحالهم
يالاه خرجو بغات تسد لباب تا حاوطها من لور
مهدي :اوا دبا بقيت غا انا و مرتي الغزالة "قبل عنقها" كيما درتي ليهم الخاطر حتى مشاو غندير ليك جوج
نعيمة وهي كتلمس فلحيتو : مهدي الا كان عندنا شي وليد غزيول شنو اتسميه ؟
مهدي : انسميه بوعزة باش يطلع شمكار
نعيمة : مهدي معاك بصح
مهدي : هههه غا كنضحك معاك ازين ديالي سميه نتي العمر
نعيمة : صافي ولدنا غنسميوه يعقوب
______
داازت ست سنواات على هاد الأحداث كان تليفونو كيصوني و هو دااخل يدوش شاافتو و فضلات متجاوبش فاش خرج علماتو بلي كان تليفونو كيصوني ، واخا شافت سمية بنت مداتهاش فيها تا خرج و مدات ليه تليفونو
كان وااضح عليه التوتر و هو كيهضر حتى سالا و نطق مصغر عينو فيها ،زعما تكون شكاات فشي حاجة!! بقا ساكت فلخر فضل يستفسر ولي ليها ليها
مهدي : شفتك مسولتنيش شكوون ؟؟؟
نطقات بثقة و نظراات جريئة : علاش غنسولك أنا تايقة فيك
تلجم ليه لسان بكلامها خلاتو بلا هواه يقفز شاد ليها فيديها
مهدي بكلمة د رجال : انا عيني خايبة كنشوف و زلال و فعلا زهواني ، وليني إلا خنتك متسمحيش ليا
نعيمة بثقة : و أنا عارفاك مديرهاش
{ وليني واش فعلاا عارفاه غيديرها ولا ميديرهاش ولا دارها كاع ،فهادشي لي مغتعمرش بيه راسها ودخل الوسواس و النكد لحياتها ، مدام ربي لي كيعاقب فيكفيها هي خوفو يتفضح قدامها ،كيما سمعات فالرجال كاملين كيخونو غا هو كاين لي تفضح و كاين لي مزال ، فالرجال لي مكيخونوش ولاو قلال بزااف ،وهادشي مكيعنيش بلي مكينينش }
__________اااااااااالنهاااااااااااااية _______________