قصة "بيبرس"(لابيدا نيگرا❌♣️)

بقلم : فرح حدادي

طلقني و ندم عليا  : الجزء 1

بقلمي  : farah haddadi

فمدينة فاس الغنية عن التعرييف المدينة الحضرية التي تعتبر مكانا للعلم و المعرفة و فأحد المنازل الكبيرة لي الزلييج المزخرف كيزين حيووطها حتى لسقف

كانت بنت زوينة لابسة تريكو بالرمادي بارد مع كولون بالكحل الشيء لي كيبين فورمتها الجداابة

كانت طالقة اغنية حماسية و كتشطح بمؤخرتها البارزة بينما كتوجد الأكل

لحبيبها  لي مزاال مجا من خدمتو و فكل كلمة او جملة من الأغنية كتفكر لحضااتها معااه من اول نهار شاافتو فيه فاش دخلات فيه بدون قصد

لنهااار لي خطبها فيه لنهاار لي تزوج بيها تفكرااات لمساااتو ليها لي كيخليوها غائبة عن الوعي محساات براسها حتى شمات ريحة الحريق ديال الروز جرات بزربة طفاات عليه

دلات شنايفها المنفوخين بحزن طفولي و هي كتفكر بلي كيعجبو يااكل روز د شلاضة من بعد ميتعشا

و دغيا مرجعاات بتااسمات

رانيا : الا تحرق هذا نصاوبو واحد اخر حسن منو ߘĊكانت بنت حيوية بإمتياز

هزات أواني أخرى و دارت فيهم روز من اول و جديد تسناتو تا طااب و دارتو فطبيسلات

شاافت فطاولة العشاء برضى على داكشي لي وجدات و داارت كتغسل لماعن بقا دبا غا يجي

واخا غا صبااح كان معاها توحشااتو و توحشات كلامو زوين ليها

كانت دايرة لكيت و كتسنط لأغنية" ديسباسيطو" و كتحرك مؤخرتها بتواازي مع الاغنية

و مردااتش لبال ليه هو لي دخل لدار من بعدما رجع من خدمتو كيف العادة

عارفها اتكون غا فالكوزينة بقا كيمتع ناضريه فخيراتها الطبيعية شكلها مغري بزااف و عاد شعرها لمطلوق لي كينسادل على ضهرها و كيلامس جزء من مؤخرتها كمل على مابيه

بدون شعور قرب ليها و محس براسو غير و هو داافن راسو فعنقها

غا حسات بوجودو خلفها شهقت و قفزات من بلاصتها

على رغم من انها مرت 5 سنين على زواجهم الا ان

سحر دياالو كيأثر فيها فكل مرة

دوز يديه على خصرها مرورا لعنقها و جمع شعرها

ردو ليها لقدام و زااد لتاصق بيها كثر و كثر

و يديه الخشنة لي تسللات من تحت تريكوها كي الأفعى كتبرك على كرشها و تزيد دخلها فيه

حيد ليها لكيت من ودنيها و نطق بكلماات كانو بحال السم الناذر لي غلائو ف النذرة ديالو الا انه كيقتل كل من ذاقه و كالعادة كيلقي عليها تعويذة اخرى بكلامو القاائل فيه : و حتى من شعرك لي لاااامس

اشياء ماشي ديالو غرت منو ߘ͠شنو زعما كديريها بلعاني ولا شنو ؟؟ كتعمدي تقطعي قلبي لأشلاء و تخليها كااملها كتنادي بيك و بسميتك بوحدها

رانيا : اممم ياسين بركة من البسالة

ياسين : هههه لبسالة هي لي غندير دبا

بحركة سريعة دورها عندو و بدا كيقرب لفمها

تا خوات ليه خرجات من تحت يديه

رانيا : وقت لعشا دبا خليها لمن بعد ߘ܊ياسين : هههه كنجمعهم لي....هاادي كاانت حاالتهم فالأيام الأولى من زوااجهم

جوج د الاشخااص عايشين حيااة بسيطة و فرحاانين ߘ͠

كيمشي كيخدم كأي موضف عاادي انجينيور فشركة ديالو و كيرجع بااش يلقى زهرة ديالو المتفتحة ߌ蠙Ø꘳نااه و موجدة ليه اشهى المأكولات و كل مرة كيخرجو و يتسااراو فقنت

دازو ايام و شهور و و ربما اعوام اه تلث سنين ديال الحب تلث سنين ديال الاحترام و بطبع حيااتهم مغاديش تخلى من المشااكل حاجة عاادية

كيكونو مشااكل و لكن الأهم نقدرو نتغلبو على هااد المشااكل و لكن واش فعلا تجاوزوهم

كانت جاالسة فوق نموسيتها بأناقتها المعهودة و فوق نموسية مجموعة ديال الأورااق و الوثاىق الطبية

حتى كتشوفو داااخل لبيت ناضت من بلاصتها و مشاات عنقااتو و هي فرحاانة

راانيا : حبيبة ديالي انا ߘ͠توحشتك

ياسين لي كان حط يديه على خصرها الرشيق : اممم بصح بيني ليا هادشي

محس غا برانيا لي دفعاتو : شحاال بااسل

ياسين : هههه اجي غا نتفااهمو ߘ°ߘ�راانيا : اجي معايا اجي

جراتو من يديه و جلساتو فوق نموسية

رانيا شداات ليه من يديه : ليوم مشيت عند طبيبة

و قاالت ليا بلي انا نقدر نولد ߘ͠خااصني غا نتبع دواء لي عطااتني

رانيا : ياسين ياسين واش كتسمعني

كان ساهي تا شافها كدوز يديها على وجهو

ياسين : اه غا سهييت شوية و صاافي يالاه نخرجو ا بب حسن

رانيا : لموضوع لي كنهضر عليه مهم بزااف

ياسين : نفهم من كلامك مباغاش تخرجي معايا ߤԊرانياا : ففف شكاال راسك قااصح بلاتي نلبس حواايجي

مشات رانيا لبسات حواايجها و خرجات هي وياه

لجردة بقااو كيتمشااو و كيضحكو كيف عاادتهم

جلسو فأحد الكرااسي مقاابليين مع دراري صغار لي كانو كيلعبو تماك

حتى طاح واحد دري كان كيجري نااضت راانيا بجري عندو و هزااتو

رانيا : اووه حبيبة وقعات ليك شي حاجة

الدري : هئ هى هئ

رانيا : وينو زوين ديالي كيبكي ثافي صافي ( بدات كتهرو ) و متبكيش البطل الفنييكيش لاخر ߘ͊بقات كتهر فيه تا بداا كيضحك و بااستو بوسة طويلة و خلاتو مشا عند ماماه

هادشي كاامل و غافلة على عينين ياسين لي مقاابلينها و مقاابلين دري صغير مكرهش حتى هو يكوون عندو ولدو صغير ولا شي بنيتة فنيكيشة

و عالله شكون كره يكون عندو البخيخيشات فدار و يجي و يترمى عليهم يعنقو بقا افكار كتديه و افكاار كتجيبو محس غا بدمعة نازلة على حنكو مسحها بزربة فاش شاف رانيا راجعة عندو

هي لي قبلاتو من حنكو هو الأخر

رانيا : نستاهلو يكون عندنا شي وليد فحالو ولا كتيكيتة ߘ͊يااسين بقاا كيشوف فيها نظراات عميقة كلها حب و شدها من حناكها بجوج

ياسين بصوت مبحوح : اه تستااهلي تكوني أم

قرب ليها كثر و كثر داامج شفايفو مع شفاايفها ببوسة عميقة ممسوق لتاحاجة تا حس بيها كدفعو

رانيا : وااش حماقيتي راحنا فزنقة

ياسين : اذن نمشيو لداار ߘɊهزها بين يديه شيء لي خلاها خوتات

رانيا : اويلي نزلني نزلني واش حماقيتي راني عندي رجلي

ياسين : احساب ليا واش عرجة ߘ�رانيا : اويلي ناس

ياسبن : مراتي مشغل تا واحد فيا بقاا يااسين هاازها و غاا لي شاافهم كااينين لي حاسدهم كاين لي عجبوه و كااين نووع تالث لي عزيز علييه نميمة

الإمرأة العجوز: هااد جييل مبقاا فيه ميعجب

المرأة الثانية :هاد جيل كعما بقاو كيحشمو

المرأة العجوز : انا نعقل على يااماتي مع بوشعيب كنا نديرو كولشي فضلاام ☻ هو بايسها فزنقة و زاايدها هازها بلا حشمة بلا حية

المرأة تانية : سمعت بلي مزوج بيها تلث سنين دبا و دايمن حالتهم هااكا ߘ͠

المراة ١ : اعوذ بالله منشدو فيهم نميمة مناقصنا دنوب

المرأة ٢ : وااه عندك صح عرفتي سمية بنت الكزار شنو دارت ߘ癄مرأة ١: عاودي عاودي ....

نرجعو عند ابطاالنا لي غا وصلو لداار بدااو بالمسقي هو الأول ߘ°ߘ°ߘ احم انا تنحشم ߘ折嘨اااح بكري شمس ضااربة من شرجم دياالهم

كتبين اجسامهم لي نصف عارية مغطيين غا بليزاار

فاقت رانيا هي لولة و دوزات يديها على شعر ياسين نازلة بجوج صبعاان لضهرو

حتى كتشوفو قلب وجهي لجهة الاخرى

تفكراات ليلة د الأمس و ضهراات بتساامة عريضة على شفايفها معاملتو ليها ديما كتخليها تزيد تعلق بيه كثر و كثر

حطات يديها على كتفو العريض

رانيا : حبيبي نوض حبيبي اتعطل على خدمتك نوض دوش انا نوجد ليك الفطور

ياسين بالغواات : راانيا فرقييني عليييك

رانيا تصدمات بقات مشوكية اول مرة يغوت عليها بهاد طريقة و بلخصوص انها مدايرة والو

بقاا فيها لحال و عينيها دغبا تغرغرو و ولاو حمرين

رانيا و دمعة نزلات على خدها من طبعها هي داك نوع لحساس بززاف

رانيا : واخا سمح ليا هئ

غا سمع نبرة صوتها نااض من نعااسو و هضر معاها

ياسين : رانيا صافي سمحي ليا مقصدتش نغوت عليك

رانيا ببتسامة و دموع باقين فعينيها :صاافي ماشي مشكل موقع والو

ياسين :و دباا لاش كاع هااد دموع

رانيا : هههه صافي صافي هانا سكت يالاه

مغنبكيش مزاال

ياسين عنقها : البرهوشة لوخرا ߘҰߘ٠

من بعد سيمانة تا حاجة مبقاات على طبيعتها

ياسين مبقاش كيجي بكري لدار بحجة الخدمة

و ولا دغيا كيتعصب و يطلع لييه دم تا مبقاات ايا فاهمة فيه والو

قررات دير حد لهااادشي غير يجي اتهضر معاه جاا من خدمتو كيف العادة تا لقاها جالسة فصاالون

رانيا : خااصني نهضر معااك ضروري

ياسين : تنا عندي شي هضرة بغيت نقولها ليك

مشا جلس فوق سداري فارق رجليه كل رجل دايرها فجيه و رما ليها وراق فوق طبلة

رانيا : شنو هادشي ؟؟

ياسين :خرج ليا عرض انمشي نكمل خدمتي ففرانسا

رانيا بفرحة مشات طارت عليه عنقاتو : بصح هاادشي كيفرح ߘ͊حيد ليها يديها من فوق كتفو و كمل كلامو بجدية تامة

ياسين : ولكن هادو وراق طلاق

رانيا : ههههه كضحك عليا هاادي شي خوطة من الخطط ديالك تاني يااك ؟؟

ياسين : لا كنهضر جدي خااصناا نطلقو من شروط خاصني نكون عازب ديال راسي و هادشي لي غيوقع

تحجرو دموع فعينيها شنو هااادشي كيقول ؟؟ وااش هذااا من نيتو 3 سنين ديال العشرة بغا يضربها ليها فزيرو لا لا أكيد غا كيضحك معاها

رانيا بضحك و دموع شلال من عينيها : هههه لا لا اكيد كضحك قول انا كنضحك معاك يالاه

ياسين بجدية تامة : وااش كتباان ليك سيفتي ديال ضحك ؟؟؟ لااا فااش تقبلي لفكرة متنسايش توقعي على وراق طلاق و متخاافيش حقك اتاخدييه مغنحيدش ليك رزقك

كان غادي خاارج تا رجعااتو شاداه من يديه

رانيا : فيين غادي فين بقات كدفع فيه واش باغي تحمقني كفاش طلاق هاا دوي واش حاط عينيك على شي وحدة اخرى وااش كتبغي شي وحدة اخرى دوي ؟؟

ياسين هضر و يا ريتو بقا سااكت : معنديش استعداد نكمل حياتي مع وحدة عقيمة

عقيمة عقيمة عقيمة الكلمة لي ترددات فأذاانها عدة مراااات و خلاتها تجلس فالأرض و تبقا تشوف فنقطة وحدة بقوة الصدمة

بينما هو هز قاميجتو و خرج بحالا مدار حتى حاجة

شافت فجهة الباب و تكلمات بعزم : انا غادي نوريك العقيمة شنو كتسواا الحماار ߘȊ

بعد مرور عدة ايام كانت جالسة فبيتها كتفرج فمسلسلها و لابسة غا تريكو قصير هابط على كتافها مع شورط قصير و كتاكل القلية

حتى حسات بالباب تحل

و دخل عندها كيفور

ياسين : شنو داكشي درتي

رانيا : اووه حبيبو جا على سلامتك

غا شاافها شنو لابسة بلع ريقو ߘ栙Ș혧ول يتحكم فراسو

رانيا : معجبااتكش طوف لي سيفطت ليك ولا شنو ؟؟

ياسين : شنو كتحااولي ديري ؟

رانيا : بما انني قطعت لوراق ديال طلاق الا و انا شروطهم معجبونيش

ياسين : جيني من لخر

رانيا : بغيت داار و طنوبيل ونص فحسابك لي فالبنك من غير هادشي ممطلقااش

ياسين شاف فيها بنظراات كلهم احتقار : مكنتش كنضنك طماعة

رانيا : و مكنتش كنضنك يخرج منك هادشي ߘɊياسين : موافق

رانيا دارت لجهة الأخرى و دموع محجرين فعينيها و كتسطانع القوة : أحسن حااجة

خرج ياسين لي غا خرج من داار نفااجراات بلبكا تاني

رانيا :هئ هئ حقيير بهااد سهولة بهااد سهولة تخلا عليا شحال كنت حمقة حمقة فاش ضنيتو ميخلينيش واخا يوقع لي يوقع من ليوم مغيهمني تا واحد من غير رااسي حتى من قرايتي سمحت فيها على قبلك باش يكون هذا جزائي من ليوم مكاين لا ياسين لا غيرو مكااين لااا ياسين لاا غيرو و شحاااااال دنيااااا تااافهة لي تفرحناا يوم و تبكيينا شهوور و اعواااام و شحال زماان كيجري

اه جرااا تا جرااااا و رجع البنت لي كاانت عروسة فيوم مطلقة ليوم

قررات تجمع رااسها و تكون داتهاا و تدفن قلبها فقبر من قبور الغابة المنسية

لي تنسااا فييها تفاااصيلو لي تنسااا فيها لحيتو لخفيفة المرتبة و تنسا فيها ضحكتو لي كتخلييها بلا عقل و تنساا فيها كلمااتو لي كاانو كيحفرو فقلبها و كينهشو كياانها

بعد ياام و شهور و سنين ها هي ليوم ولا إمرأة عندها مكانة فالمجتمع و ها هي ليوم مرة محققة داتها بصح مولااتش دكتورة ولا استاذة جاامعية

و لكن الأهم خدماات فالحاجة لي رتاحت فيها

خدماات فالحضانة كتقاابل دراري صغااار و تلعب معاهم كدوز نهارها كامل تما و فلأخير كترجع لداارها لعند والديها

فلول كانت كتبات فدارها

ولكن منين كل قنت ولات كتفكرها فدكرياتها معاه قررات تسكن مع والديها منها تونسهم نيت

و لكن كيبقى الملجئ ديالها الوحيد هو دراري صغار لي كيخليو ضحكة بريئة ترسم على شفايفها منين تشوفهم مجرد شوفة فيهم كتعني ليها لعالم 

كانت يالاه وصلات لحضانة ليوم تعطلات شوية حيث مصوناتش ليها ساعة

غا دخلات

ناضو كااع دراري و لبنات كيجيو عندها يسلمو عليها

دري ١ : استاذة تعطلتي علينا

دري ٢ : استاذة لباس فاش جيتي

لبنت ١: استاذة انا خرجت تماارين لي عطيتيني و رسمت رسمة زوينة

راانيااا : وااااااو انشوف مزيان

راك فنانة مع راسك الفنيكيشة شكون هادي

لبنت ١: هادي انا و ماما و بابا

رااانيا :زوينة نتي ߘؠ

رااانيا : انتباااااه كااامليين ياالاه شدو بلايصكم

ليومة انشطحو شي شطحة ߑ

دراري :تكون زوينااااااااا

رانيا : امممم شطيح فالحين فيه بعدا

رانيا: و الألف راهي زينة

دراري : و الألف راهي زينة

رانيا :و زيد الباء حتى هي

دراري :و زيد الباء حتى هي

رانيا :و حميد يرقص لينا

دراري :و حميد يرقص لينا

رانيا:و شي رقصة تكون زوينة ..

(احم احم ߘ栘㙅حو ليا تحمست شويةߘ دراري صغار ليهديهم ߙȠ)

بقات معاهم تا. وصل وقيت لخروج و هي تسمع تليفونها كيصوني شافت المتصل و بتاسمات هادي صاحبتها لي تعارفات معاها فأنسطا عن طريق صدفة

رانيا : و فين اتريكة

هدى بغات تخرج من تليفون ߘ :وااا زييين وا زغرتي مغنبقااش بايرة بغييت غا نعرض علييك لعرسي عرسي نهاار تلاث عنداك متجيش

راانيا: و نااري شحاال فيك د الغواات غا بشوية ها ناااري

هدى بالغوات تاني :وااااش من نييتك ناااس فنااااس و القرع فمشيط رااس وراه غنتزوج ابنااادم ߘͰߘⰟز

رانيا :وااااخ وااااخ صافي صاافي غتزوجي غتزوجي كاالم بب كاالم

هدى بداات كتغبن :اههم ممتيقاش راسي اخيرا

لمهم بغيت غا نأكد عليك نعااود ليك لعراضة شوفي راه الا مجيتيش انتقلق منك البايرة عالله تلقاي شي عريس

رانيا:راكي عارفاني مكنفكرش فداكشي

هدى : 4 سنين و مزاال منسيتيه؟؟

رانيا بجدية :هدى

هدى :صااف هاااني سكت ߤРلمهم اتجي

رانيا :غنجي اشندير على المصيبة لي بلاني بيها الله

هدى :تلاحي الحمارة ليلة د عرس صااحبتها كاااان عرس كبييير فأحد القاعاات الخاصة بالحفلات بحكم تزوجات هدى براجل لباس عليه عن حب طبعا

كان كولشي ملهي كيشوف فالعروسة و العريس و تعالات الشوشراات ديال ناااس منين شاافوه

داااخل كاان لابس كوستييم بالاسود و قميجة بالبيض مع سبادري بيضة و شعرو مطلعو تشويكة خفيفة و رابط غوبااشتو كيما ولا منين طلقها كانت العيون كاكلة تاجهات ليه بالخصوص عينين الفتيات العازبات

كاانو واحد جوج بناات لابسين المقزب غا شافوه دخل بقااو كيهضرو عليه

البنت١ :وااش شفتيه كيدااير ؟؟

البنت٢ : سمعت بلي عااد جا من فرنسا

البنت١ :سمعت انا بلي دار مشروع خاص بيه فتح اوطيل خمسة نجمات ففرنسا جا لمغرب غا حيث جداه مريضة اوا ليعطيني غا شي عاماين د لحبس معاه و صافي

(ياك المرضية ߘ )

مشا ياسين سلم على هدى و العريس و مشا مجمع مع شي صحابو حتى كيشوف كولشي مدور راسو لجهة وحدة دور وجهو و هنااا كااانت صدمة كااانت لابسة قفطاان بذهبي كاامل و كيلمع و فيه عمارة خفيفة بصم طالقة شعرها ولابسة طالو بينها طويلة شوية مكيااجهاا خادماه مزيان و دايرة حكر بلون تراابي عكس لون د البشرة ديالها اقل ما يقال عنها جات زاز

بقااا ساااعي فييها و ممتيقش عينيه ممتيقش بلي شاافها مرة اخرى

ممتيقش بلي القدر جمعهم مرة اخرى بعد 4 سنين

ديال الفرااق عينيه محيدووش عليها و هو سااهي فتفاصيلها و فورمتها لي زاادت تبرزاات

مشات ناحية صاحبتها سلماات عليها سلااام كيعبر على قوة حبها ليها و كذلك بالنسبة لعريس

و بقاو مجمعين حتى عتاذرات منهم رانيا و رجعات كلسات فطابل رااسها

حتى طلقات فالأرجااء موسيقى هادئة بدااو فيها ليكوبل كيطلعو لمنصة رقص و كيرقصو

كانت رانيا مستمتعة بالجو غافلة على العينين لي خاضيينها

حتى تقدم عندها شخص من ملامحو باينة فيه عينيه زايغيين و شخصية مهمة كان شاب فالثلاتينات من عمرو شعرو مصفف بطريقة رائعة عينيه خضرين لابس كوستار بزرق كيبان بحال نجوم د سينيما فورمتو جداابة تقدم ناحيتها و احنى على رجليه و مد ليها يديه

الشخص : ممكن تسمحي ليا بهاد رقصة ؟؟

يالاه بغات تعتادر ليه تا قاطعها ببتسامتو الجداابة و كلامو القائل

الشخص : مكنضنش حاجة مزيانة ترفضي عرضي قدام كااع هااد ناس اتكون بمتابة اهانة بنسبة ليا واش تبغي ليا بحال هادشي ؟؟

بتاسمات رانيا على كلامو و مدات ليه يديها

و توجهو ناحية منصة الرقص

و ياسين عينيه ولاو بحال جمرة كيحس بالعافية كتاكلو من دااخلو

بقا ضاغط على الكاس لي فيديه تا هرسو و دخلات ليه جاجة فيديه و هو غير مكثرت للأمركل همو حبيبتو لي فيد شخص اخر غيرو على الرغم من انه هو لي خلاها

يالاه وصلو لمنصة رقص محسات بيه حتى جرها بجهد شيء لي خلاها تخبط مع صدرو و تجي عينيها فعينيه حط يديه فضهرها و زاد جرها كيزيد يدفنها فجسدو و يديه لخرا شاد بيها يديها بقا كيحركها بين يدين بخطواات متوازنة كانت رقصتهم اكثر من رائعة لدرجة كاع ليكوبل نساحبو

بقاو غا هوما

و ياسين كيحاول يصبر رااسو و يقول انا لي خليتها ممنحقيش ندخل

حتى سلاو رقصة ديالهم و داك شخص بداا كيقرب لفمها يالاه كمشاات حجبانها باغيا دفعو محساات بيه تا كاان طاايح لارض و ياسين نازل عليه بحاال ثور كيعطيه ضرباات متتالية مخلاش لداك شخص فورصة فين يهز راسو تاا كيسمع كلامها بحكم عندها فوبيا مكتقدرش تشوف شي حد كيداحس

راانيا :هئ هئ بركة

على اثر صوتها لي بحاال لموسيقى كيتسلل لمسامعو وقف و دااار عندها دورة لي خلاات عينيها يوساااعو على جهدهم بقات كتشوف فيه بنظراات غير مفهومة كلها حب و شوق و عتااب و اشتياق و حقد فنفس الوقت و هياام و هوس

كاانو نظرااتها كيعبرو على بزااف د الحواايج غلبو عليهم نظراات الشوق و الخدلان

بينما نظراااتو كلها ندم و تحصر على الجوهرة لي ضيع من بين يديه

شافت فيه مطولا و دموعها نااازليين شلال

بقااات كترجع خطواات لورااء حتى بداات كتجري و طالو ممخليهاش تجري فخاطرها حتى عكلها طالو و طاحت

تبعها بجرة و تحنى المستواها كيتفقد فرطليها بعيون خوفاانة

ياسين : وااش وااش نتي بيخير ؟؟ ياكما تقصحتي ؟؟ كنت كنقوليك متبقايش تلبسي طالو؟؟ لحمد الله غا طيحة بسيطة اتقدري تمشي على رجليك من بعد

بقات كتشوف فيه و كيشوف فوجهها تا حط يديه على حنكها توحشها بزااف

محس بيها تا دفعاااتو بحر جهدها و دخلات فهيستيرية د الغوات

رانيا :وا بعاااااااااااااد بعاااااااااااد مني متقييييصنيييش متحااااااااطش علياااااااا يديييييك فووتني عليييييك فوتنييي عليييك متقيييصنيييش متقيييييضنيييييييش ايييييييييع

ياسين :صااافي صااافي تهدني انا غاادي نمشي تهدني

فوسط شهقااتها نطراات طالوها هزااه فيديها و كتعرج يلاه تمشاات شوية حتى كطيح مرة اخرى فاقدة الوعي

مشا عندها بزربة و ركبها فلوطو ديالو غاادي بيها لمستشفى

بعد دقائق خرجااتو عندو طبيبة

طبيبة : الحمد الله على سلامتها غا رتافع ليها ضغط داكشي باش سخفات حاول متخليهاش تعصب مرة اخرى راني دقيت ليها برة مهدنة شوية اتفيق

ياسين : شكرا انا اندخل عندها

دخل عندها كانت مستلقية فالفرااش بقا كيدوز يديه على شعرها بحنان و عينيه هيمانة فيها

تا حلات عينيها لب هاد لمرة نشفو من دموع

رانيا : لاش جااي لاش رجعتي شنو باغي ؟؟

ياسين : توحشتك

رانيا :هههه من نيتك هاد الهضرة توحشتيني اتوحشك الخير سد الباب موراك

دورات وجهها لجهة لخرا حتى بداا كلامو

ياسين : هاد ربع سنين لي دوزت بعيد عليك فكل نهار فكل ساعة فكل دقيقة فكل تانية مكانتش كدوز عليا بلاما نفكر فيك

رانيا : هههه هضرتك هادي مبقاتش كتأثر فيا

ياسين لي كان كيشوف جهة صدرها لي كيطلع و ينزل و حط يديه على قلبها مباشرة

ياسين : نتي كتقولي و هو كيقول حوايج اخرى

رانيا حيدات ليه يديه : و فاااش كيهمك هو يااك فالأخير انا غا مرة مكنولدش ميمكنش ليك تكمل معاها حياتك ؟؟؟نثراات لييه يديه من فوق صدرها : و يديك تبقى تجمعهووم عندك وااحد الشوية ياسين : عندي اسباابي لي خلااوني نخلييك دييك المدة و لكن ... شد ليها يديها لي كتنثرها بزز و حطها على قلبو ياسين : هداا مقدرش ينساااك عييت معااه و الله غاالب مبغااش ينسااك ولا ينسى ضحتك و صووت غوااتك رقصك و تغوبيشتك و دموعها (حط يديه على خدها ) منسااا واالو كووولشي بقا حاافضو نثراات لييه يديه بجهد و دفعاااتو بكااع دااكشي لي عطااها الله راانيا :رااني قلت ليييك متبقااش تقيصني متقييصنييش مزاال متقييصنيييييييش مبقييبتش محللة لييك يالاااه خرج براااااا يااسين زاد قرب عندها : مخاارجش مخارجش راانيا : و عطييني تيييساااع هااااااا العااااار اشبااغي عندي يااك نتا لي طلقتيني بخاطرك اوا تنا نسيتك و مبغيتش دبا نشووف حتى فطريقك باسين : رانيا نتي غا كتكدبي على راااسك ميمكنش لييك تنسايني رانيا حكات فرااسها بالاعصااب : واش احساب ليك زعما فاش طلقتيني انربع يدي و نبقى نبكي و نشكي مشا زمااني رااه مورااك جاو الالاف ا زين كون بغيتي راه دنيا مواقفاش عندك يااسين : نتي ميمكنش ليك تزوجي ميمكنش شي حد يقيس فيك من غيري راانيا : علاش ا زين يااكما بان ليك لي عندك معندهومش واتا نووض تكعد على سلامتك انا عاجباني حياتي و ممحتاجاكش فيها غا بسع مني لخير لي دير فيا و فراسك يااسين خبط الحييط : اتندمي على هااد الهضرة راانيا : رااه نتا لي ندمتي عليا اصلا متلقاش لي تعطيك بحالي ساعة قدما نفختي لميكة اتفرقع عليك ياسين : انبدااو كوولشي من لول عتاابرييني ياسين جديد و نبدااو كولشي من جدييد راانيا بقاات كتشووف فييه بصدمة و مطلعة حاجب و منزلة لاخر قبل متفرقع بضحك : هههه لا لا واااش من نيتك ؟؟ ياسين : مكنضحكش رانيا : خرج عطيتي تيساع ياسين : نخرجو بجوج رانيا نثراات سييموو بجهد من يديها و تمات غادياا و هو تاابعها تاا خرجاات لجردة د المستشفى كتمشى فتجاه الشارع باش تشد طاكسي ردات ليه لبال تاابع خطواتها و هي توقف و دارت عندو رانيا : خويا واش كتعرفني ؟؟؟!!! ياسين : اشنوو؟؟!! رانيا :حتى انا مكنعرفكش اذن متبعنيش ...بقاات كتمشى قداامو و هو نزل عينيه لممتلكاتها و بتاسم جنب ياسين : زادت زيانت كاانت وااقفة محسات بيه غا جرها من يديها رانيا : وااش نتا تسطيتي طلقني ا عبااااد الله عتقووني واا طلقني المرض حل طنوبيل و سد عليها و طلع تا هو رانيا : ا شرييف هاادي رااه سميتها عملية اختطااف نزلني شكون قاليك باغا نطلع معاك مداهاش فهضرتها و طلق موسيقى بجهد و كيغني معااها هي طفيها و يالاه تبغي تهضر يعاود يشعلها و يزيد صووت قالت مع رااسها هناني نيت من الطاكسي عطااتو بضهر كتشوف فالمرايا و هو كيدور يبقى يشووف فييها مينمررش شحاااال توحشهااا حتى فرجووع ديالو للمغرب كانت جاي غا على ودها عول يشوفها غا من بعيد و لكن مقدرش يحبس رااسو فااش شافها فالعرس و فبلاصة لي مكانش معول يشوفها فيها مسااافة د طريق حتى كتشووفو غاادي نيشاان و فات طريق لدارهوم رانيا : وااش تلفتي ولا مالك فيين غادي بيا ياسين : غاديين لداري راانيا حلات لباب بان ليها مسدود : نزلني نزلني كيباان ليا مشيتي لبرا و تفليبيتي مداهاش فيها حتى شاافها حطاات يديها على الفولون كدور فيه زكل ميديرو كسيدة غا ربي حفظ يااسين : شنو هادشي درتي رانيا : نزلني شد حزاام سلاامة و ربطهاا بييه و هي كتغوت عليه و ليني متسوقش ليها و جاج د طنوبيل اسود يعني مكتبان لحد نزل من طنوبيل حدا ماكدو خدا جوج بيتزات و توجه لداارو رانيا : وااش يحساب ليك اتضحك عليا بجوج كلمات غا كضيع معايا الوقت ياسين :داكشي لي بغيت حتى انا نيت غا نضيع معاك الوقت رانيا : متنساش حنا راه طلقنا دبا ياسين شااف فييها بشووفة مكر و بتااسم جنب :و من بعد ؟؟؟ .اخيرا وقفات الطنوبيل و هي حلات عينيها فالبلاصة فااش كينيين فيلاا من الحجم الصغيير بديكوور عصري 100% محسات بيه غا دورها عندو ياسين : شووفي راانيا منكرش بلي ندماان بزااام ندمان على اي لقطة مدوزتهااش معااك و عقلي محابسش من تفكير فييك و لكن ميمكنش ليا نضلمك معاايا انا مغنقيصك موالو بغيت غا نهار معاك زوين و مغنعااودش نباان فحياتك كنواعدك من نبرة صوتو لي كان كيدوي بيها مقدرااتش تزايد معااه فالهضرة سكتات و دخلو و هو تم داخل للفوق ياسين : انا غنطلع ندوش دباا ديري عقلك و راه البيبان مسدودين كوني هانيا مكاينش كي ديري تهربي حتى لبغيتي عوجاات فييه و هي كتشووف فكتافو لب جاوها زادو وسااعو رانيا :هاد زبل غادي و كيزيان ضرباات رااسها بطرشة : اويلي انا شنوو كنقوول فيقي ا زبل متنسايش هو شنو دار فيك طردات افكارها و دخلات متستكشف الفيلا سالات من لتحت و طلعات لفوق كتقلب لبيوت عجبهاا ديكور دياال الداار عصرية من نوع لي كيعجبها بحالا تفرشات على ذوقها حلات لباب الاخير سمعات صوت الرشاش و بدات كتنبش فالبيت بان ليها واحد المجر فييه شي وراق ممسدودش عليهم مزيان و شادهم المجر شوية و حلاتو بااش تقاادهوم شوية هزااتهم بين يديها كتقرى شنوو فييهم و كتزييد توسع عينيهااا كثر بان ليهاا خارج من الدوش لاوي غا فوطة على نصو و هي ولاات كااملهاا كترعد حتى رماات علييه دووق الوراق رانيا : شنوو هاادشي ؟؟ بقاا سااكت و كيشوف فلارض تاا غوتااات رانيا :رااني قلت ليييك شنووو هاااادشي جااوب .....بقاا حااني رااسو و هي شدااتها هيستييرية و كاااع لفيزان لي باانو لييها تمااك بداات كتشتت فييهم و صوت تهراس كيتسمع اما هو بقا غا كيشوف فيها عارف راسو شنو دااير

راانيا قرباان عندو و قجااتو : نتا شنووو يحساب لييك راسك كنتي كدير

ياسين كتفى بالصمت حتى ضربااتو لكتفوو و تبعاتها ضربات متتالية

رانيا :هضر دوي قوووول نتا لي كنتي مكتولدش و تفليتي عليا هااااا و انا لي كنشووف دراري فزنقة هئ هئ علاااش درتي فيا هااادشي علاااش

ياسين كمش حواجبو : علاش نتي لحد الان مزاال معرفتيش رااسك بلي ماشي عقيمة ؟؟ مدرتي لا فحوصات لا والو من مور طلاقنا

بقاات كضحك بهيستيرية باان ليها فااز و خبطااتو مع الحيط

رانياا: حييييث تقت فيييك كنتيق فييك كنقوول ميمكنش يكدب عليا صدق المشكل منك علاااش درتي هاااادشي علاااش

ياسين تااا هو زير على راااسو و فلخر دواااا بعد مدة : هاادشي درتو على قبلك كنت باااغيييك تبني مستقباالك كنت باغييك تولدي حييث معااايا مغيمكنش لييك مغتولدييييش مع وااحد عقيم بحالي بغيتك تعيشي داااكشي لاااش بعدت عليييك

رانيا بالغواات : وااااااش كان يحساااب لييك انا غنتخلااااا عليييك هااااا وااااش كاان يحسااب ليك اناا انسى العشرة و كوولشي

يااسين : وراااااه هاااادشي لي كنقولييك حييييث عاااارف عاااارفك مغتخليييينييييش داكشي باش بغيتك تعييشي حيااتك و لكن ...( عض على شفاايفو و هو كيتفكر فااش قرب ليها داك شخص فالحفل ) منتحملش نشووفك مع شي حد من غيري ندماان و مندمااانش بغيييت رااحتك و لكن راحتي معاك

رانيا خبطاتو من صدرو بالجهد : و رااحتي حتى انا معااك كنبغييك و كنت مستعدة نقبل بأي حاجة و لكن بااش طلقني و تخبي عليا حاجة بحال هاادي براافو عليك و الله حتى برافو

مشااات تحل الباب و لقااتو مسدووود

رانيا :حل عليا هاااد الباب انمشي فحاالي

بداات كتخبط فالباب بجهد و دفع فييه تااا جاا لعندها محسااات بييه غا جاارها ردخهاا مع الباب نيت و يديه ليمنى باقا شادة يديها و اليسرى حكمها بيييهاا من خصرها و ترمى على ضفاايفها بجهاالة قبلة كلهاا حب و اعتذاار على كوولشي

اما هي كانت متجمدة فبلاصتهاا متوقعاتهاش منو نهاائياا مقدراات لا تمنعو ولا تجاوب معاه

بعد على شفاايفهاا شوية و طلق من يديها كيشووف فوجهها و هي كتباادلوو نفس النظراات و هالة د المغناطيس جامعة بيناتهوم

محس بيهااا حتى هزاااات يديها تاال سماا و نزلات علييه بطرشة

رانيا دورات وجهها كتشوف فالارض :متنساش شكون انا و شكون نتا حنا دبا غراب على بعضياتنا

سكتااات و بعد مدة نطقاات: حل الباب

ستااجب لييها حاال الباب و غااا خرجاات كاان باقي الحال مضلام فجوايه المغرب

خرجاات كتحس براسها داايخة و رااسها كضرب فييه عشرين مطرقة بعد مدة وصلااات لداااار و لكن هاااد المرة ماااشي داار د والديها انما داارها هي وساه الدار لي كانت شاهدة على ذكرياتهم كاان كوولشي مغطي بليزور بيضين بداات كتحيدهم و اي بلاصة كتشووفها كتفكر فيييها شي لقطة ليييهم دخلاات لكوزينة تفكرات فاش شي مراات هو لي كيطيب ليها و فااش مكيخليهاش تخدم كيبرزطها و تجري عليه خرجاات منهاا و دخلاات لغرفة نومهم لي كتشهد على علاقاتهم الحميمية بقاات كتشوووفي و تفكراات حتى فاااش كتكون مريضة و كيبقى يسهر معااها كيخاف عليها بزااف و كان داايرها فعينيه محساات غير بدمووعها كيخرجو وحظة موور لووخرى و معارفااش حتى علااش كتبكي

واش على ياماتهوم لي عرفاتو ولا على لياام لي معرفاتوش فييها و لي طلقها

بعد مدة من الشهيق المتتالي اخير بداات كتسكت دخلاات لدووش غسلات وجهها و شاافت فالمرايا و ابتاسمات كتشوف فعينيها لي حمارو

رانيا : مزياان بنادم يفوج على راسو شوية بالبكا

رجعاات غطاات كوولشي و سداات داارها شداات طااكسي و مشاات لداارهم عند ياسين

فالفيلا جالس كااااس موور لااااخر و قدااامو صووورتهاااا كيشوووف فييها و يجغم و كااع لحضااتهوم كيزورو مخيلتو و كيخلييوه يغمض عينيه

ياسين : حبك و مدااار فياااا الكبدة دياالي

طلق الموووسيييقى فالفيييلاا على جهدهاااا و كيدندن معاااها

كي شفتهاا انا زاااد هباالي دلالي

و تقول هااد زيين جااي من لالماان

العين زرقة و الخالا ها الخالي دلالي

حرقت قلبي و تلفت لبلااان

بقااا كيصووني علييها تليفون و واالو بدون مجيب

عاااود كيصووني ليهاا و حتى كيتقطع الخط بوحدو و هي شاادة تليفونها فيديها كتشوف فتصاالاتو

سيمانة كااملة و هو عاطييها غاا لشرااب و يصوني ليها يلقى تليفونها طاافي شراااب بلييل و نعاس فصباااح

ياسين كيدندن بموسيقى الراي لي تبلا بيها هاد ليام و مدوز ليها الخط فنفس الوقت

ياسين :

قولوووولهاااااا رااااني ندماااااااااان

قولولهااا هاااااادشي يصعاااب

و حبك راااهوو قتاااال

هبلتيني و ياااا زينيااا

غير رجعي و ولي ليااا

نفدييك بروحي يااناااا غيرجعيي و رااني ندمااان

فتليفونهاا رااني نصوووني

و هي مرااهي تجاااوب

شنديير فقلبي يااااانااا بغااها و جرحهاا الخاسر

فزينها رااها تهبل و بكلامها رااها تسمم

(ملاحظة : لي غيطلبو سمية الاغنية رااه مكاينااش جبدتها غا من دماغي  )

أخيرااااا جاوبااتو بتااااسم شوبة بدااا كيضحك و السكراا لاعبة علييه

يااسين : اووووبّس الاميرة جاوباات هههه

رانيا خرجااات عينيهاا على جهدهوم: اويلي ماالك؟

ياسين : انااا سكراااااااااااااان

رانيا : اويلي ا حي مشات الصلاا

ياسين : ههههه عرفتي ندمت علييك

رانيا : ها ؟

ياسين : ندمت علاش طلقتك كون راك حدايا دبا غنمووووووووت

زلقاات ليه القرعة د شراب جاات على حوااايجوو و رماها لارض تا تغبطات مع قرعة د جاج اخرى

شااف حوااايجو توسخو و شير بتلييفون تاا هرسو تا هو

راانيا : الو ...... الو ..... الو تكوون وقعات ليه شي حاااجة

عاوداات صوونات و والو لا مجييب و كلمتوو لخرى "غنموووووووت " كدور فرااسها

راانيا : عندااك يكوون دااار شي حااجة فراااسو

جمعات الوقفة دغيا هزاات الكااب دياالها من فووق النموسية و مشاات كتجري لطنوبيلتها لي فالكاراج خرجاتها و مشاات بزربة لعندوو و قلبها بغا يسكت خاايفة غا لتكون وااقعةلييه شي حاجة بقااات سااايكة و كتفكر و كتقول مغيكون واقع واالو و لكن صووت الزااج كيتردد فودنيها و اخؤ كلمة قاليها

بقوة التلفة تنساات عليها طريق و شداات طريق خرى عاد ضربات التور من رومبوا راجعة تاني

ما هي الى دقائق بفعل السرعة باش كانت غادا تا كاانت حدااا لفيلا لي كاانت فيها غاا بسيمانة قبل باان لييها تا حد محاارصهاا غااا دفعات الباب د الجردة تحل و كتباان لييها كااع ضوااو دياالها شااعليين مكايناااش البلاصة لي مشاعلاش مشاات بزربة و لقاات تاا الباب د الفيلا محلوول كوولشي مفرع كوون دخلو علييه شفاارة كون كشطووه بلا ميدي ميجيب دخلاات بزربة تاا كيباان لييه متكي فووق كووفرلي فالمرااح و الزاااج مشتت فالارض و واحد الفاز مهرس مشاات لعندو كتجري و تحنات عندو حاطة يديها على حنكو

رانيا : ياسين ياااسيين فييق فيييق

يااسييين :لا رد

زادت قربات ليه بغاات تشووف تنفسوو واش كيتنفس تااا كتكمش عينيها من رييحة شرااب قلباتها و عااد حواايجو كيبااانو حاالتهووم و الازرار لولين د القميجة محلولين هاادشي عااد سروال لي فااازق بالويسكي لي دفق عليه

رانياا : اففففف اشهااد الحاالة ياسييين فييق

جلساات فالارض حاطة يديها على حنكها

رانيا : واش بصح هداا يااسين لي كيصلي و معندووش مع هاادشي و كتجيه الكماية و السكرا غا د البراهش ؟؟؟

بقات كتشوف تاا عياات و هزاات شطاابة و البالة شطباات دنيا من الزااج و رماات القرااعي د الشراب الخاويين فزبل و نقاات دنيااا

قرباات لحدااه و رييحة الويسكي عااطية

رانياا غوتاات : وااااااا يااسيييبن واااا فيييق يااه

مشات جابت شوية د الماء من الدوش و كبااتو ليه على وجهو تا قفز فبلاصتو و حل عينيه

ياسين و سكرا غالبااه : زيين ديالي جيتي

جرهااا من عنقها و مكمش فمو على شكل قبلة و هي كدفع فيه بيديها و مدورة وجهها لجنب

راانيا :وااا زكااا طلق اشكديير ياسين : اممم بوسيييني ا زيين ديالي

رااانيا : وااش حماقيتي طلااق مني

ياسين : لا تاا تعطييني بووسة عاااد نطلقك

رانيا : نووض نووض دوش و بدل حالتك اشهااد الحالة دااير فرااسك

ياسين : هاد الحالة نتي سباب فييهااا نتي

رانيا : واه واه غا نوض دوش

ياسين : و تعطيني بووسة

رانيا : واه وااه غا نوض

بغاا ينووض و رجع جلس لاارض مع ممولفش بشرااب دغيا شد فييه و عااد القراعي لي بدا كيشرب هاد ليام راه ماشي غا يشد فييه

طلع رااسو فيييه و داار بحالا بغاا يغمض عينيه

ياسين : رانيا

رانيا : نعاام

ياسين : ولاااو منك جووج

رانيا : لوااه عشريين

عااونااتو غا بزز هزااتو شوية واخا جاها ثقيل

رانيا : شحال ثقيل عاوني حتى نتا شوية هز رااسك

بداات كتجاار معااه تاا دخلااتو لبيتو لدااوش و طلقاات عليه رشااش د الما و خرجات خلااتو كيغوت

ياسين : راااااانيااااا وااا رااااااانياااا راااانياااا

نزلات حتى لكوزينة عصراات ليه قهوى بااش يصحصح مزيان و طلعات عندو غاا طلعات حلات الباب د دوش لقااتو يلاه كينزل فالبوكسور خرجاات عينيها و هو نطق

ياسين : الصهد الصهد المووت د الصهد

رانيا : ويلي ويلي

حاولات متشووفش فييه و مطاات ليه البينواار يلبسو

غا لبسوو خرج كيتماايل و ليني جااها بحالا بداا كيفيق ترمى فنمووسية نييشان

راانيا : نووض شرب قهوى

ياسين : اممممم

رانيا : واا نوض شرب قهوى و رجع نعس

مرضاتو نااض جغطها فجغمة وحدة و ترمى بنعش تااني بقاات كتشووف فييه لمدة و قلبهااا كيضرب و هي كتأمل فيه

رانيا : منكرش بغييتك و لكن علاش درتي ليا بحال هكاا

يالاه بغات تنوض تمشي حتى جرها من يديها جاابها متكية حداه فووق النموسية حداه و عنقها بيديه جارها عندو

ياسين : طلقتك و ندمت عليك و فنفس الوقت مندمتش

كان كيدوي و مغمض عينيه الضاهر بدا كيفيق

رانيا بداات كتحااول تحيد ليه يديه و لكن مقدراتش و شي حااجة فالداخل دياالها كتقول ليها متمشييش بقاات متكية كتشوف فصقف و هزاات تليفونها كانت مها كتصوني ليها

رانيا : ليوم غنبات فداري مغنجييش

قطعات تليفوونها و هو زااد تخشى فيها حاط راسو على صدرها صبااح صبح و شمسو شرقاات و فكل صبااح بااش يصبح مبارك كنقولو "اصحبنا و اصبح الملك لله "

بداات كتحل عينيها حتى كيبان ليها رااسها فووق صدرو قفزاات من بلااصتها محيدة يديه لي معنقها بيها تاا حس بيها و فاق حتى هو غا شااافت فيه تلبكاات و تعلتمات فالكلام

رانيا : ءااا انا ..... انا...... غنمشي

ياالاه نااضت بغات تمشي بزربة كتجري تا وصلات لباب و سمعااتو عيط ليه

ياسين : رانيا

بقاات مبلوكية فبلااصتهاا تا نطقات

رانيا : غنتسنااك لتحت

لبس حوايجو بزربة تا كيبان ليها نازل مع بتيشورط بالبيض و شورط بالحمر سامبل

جااا كلس حدااها و بقااو سااكتين تا حن حن

ياسين : طييلة هااد الخمس سنواات كنت غبرت عليك بااش نخليييك تعييشي حيااتك و تولدي ولاادك كييف كنتي كتمنااي دااايمن و لكن للأسف هاادشي مغيمكنش ليك ديريه معايا دااكشي علاش بعدت علييك و حاولت نقنعك ما امكن بفكرة طلااق و خديت الامر د العقم ديالك سبة لهاادشي كانت باغي نخليك تعيشي سعيدة من بعدي و لكن فنفس الوقت كنت كنتعدب فكل دقيقة و فكل تانية بعييد عليك طلقتك و ندمت على اي لحظة عشتها بعييد علييك و بالخصووص الوسواس لي كان قاتلني و السؤال لي طالما كيحرق قلبي زعما واش تكون بنات حيااتها تكون ولداات ؟؟ مضنتييكش اتقبلي لموضوع بسهوولة و تعيشي عادي ضنييت اتمشي تبغي تعرفي المشكل لي عندك

راانيا لي كانت كتسمع ليه و كتبكي بصمت مسحات دموعها : كفاش بغيتيني نعاود تحالييل و انا درتهووم انا وياك فنهار وااحد و كنت تاايقة فيك تقة عميااء كنت مستااعدة نتخلا على فكرة لولاد و نقبل بلي قسم علينا الله كيما كاان يمكن ليينا نتبنااو شي طفل و لكن للاسف نتا ختاريتي الطريق الصعيبة - طريق الفراق -

ياسين : هااد رااجل لي حدااك دبا ندماان وااش تقبلي نرجعو لبعضيااتنا

شااافت فييه بشوفة انكساار و دمووعها شلال لدرجة حتى هو متلاش قدر يمنع دموعو كثر و بالخصوص الموضوع حسااس بزااف

رانيا : كنضن فااات الحاااال

يااسين : كنطلب غااا فرصة متحرميييناااش من بعضنااااا

رانيا و هي كتبكي :منقدرش منقدرش

هزااات تليفونها و مشات تتجري و هو تااابعهااا و كيعيط علييها تا تعكلااات فجرة و طاحت شيء لي خلاه يغوت

ياسين : راااااانيااااااا  جراااا عندهااا و تحنى على ركابيه كيشووف فيديها لي تجرحااات

ياسين :نتي موقع ليييك وااالو مااالكي مكتشوفييش قداامك كوون وقعاات ليه شي حاجة كغاااف

هزهاا بين يديه و رجعها للفيلا هاازهاا فحضنووو و كتفكر لحضااتهوم بجوج مع بعض و خووفوو عليها لي داايمن كيباان ليها من عينيه الشيء لي كيخليها طير فالهوى و تزيد تغرق فييه

مشااا لجهة الدوش و جااب الاسعاافات الاولية داارهوم لييها ليديها شااف جهة رجلهاا بااانت ليه حماارت من جهة العضم و كمش ملامحو

ياسين : توتيتي تا فرجليك

حيد ليها طالو و حط رجليها فوق ركابيه غا قااص ليها العضم غوتات

رانيا : أي

شاااف فييها و شلاا دكريااات رجعاات لدااكرتو ليهم بجووج حدر عينيه فاش حس براسو و بدا كيقلب ليها رجليها

ياسين : الحمد الله مكاين حتى شي كسور غدا انشاء الله مغتبقاش ضرك و لكن خاصك تصبري عليها ليوم

رانيا : قابلة

ياسين : نعام ؟؟

رانيا : قاابلة

ياسين بصدمة : واااش ؟؟ دغيا بداااو ملامحوو كيتحولو لفرح و دمعة نزلات من عينيه اليسرى كدل على الفرح و السعادة لي حس بيها فدييك لقطة و عنقهااا عندو بجهد و هي كضحك

رانيا : ههههه غنقتيني بشوية

يااسين : هدااا اسعد يووم فحيااتي

خاتم كلاامو بقبلة فخدهاا خلاات حناكها يتوردو

رانيا :شووف متنساااش حنا راه باقين مطلقين دبا

ياسين : هههههه اصلا حنا مزوجين فسمااء

رانيا : و ولادنا حتى هوما انولدووهم تماا و عااد عندناا ولاد اخريين

وسعاات بتساامتها و نااضت بزربة جراه من يديه حتى غوتات بسباب رجلها هو غا شافها هكااك هزهاا بين يديه

رانيا : طرييق الحضاانة

بعد مدة ديال الطريق الاطفاال واقفيين و كيقلدو الحركاات لي حفضوهوم

رانيا : و الالف رااهي زيناااا

الاطفال : و الالف رااهي زينة

ياسين :و زيييد البا حتى هي

الاطفال : و زييد البا حتى هي

رانيا و هي كتشوف فياسين بحب :و ياسين يرقص لينا

ياسين بادلها نفس النظرة و و حرك يديه على بطة جوج د المرات : و شي رقصة تكون زوينة

بقااو كيضحكو على حركتو : ههههه و شي رقصة تكوون زويينة

قرب لحداا راانيا و حط يديه على كتفها هي لي جالسة فوق الكرسي و شدات ليه هي من يديه مدوزيين وقيت زويين مع الاطفاال

" و هاادي كاانت قصتهووم قصة ياسين لي طلق راانيا معتابر رااسو هو لي واحد القرار الصائب بينما كانت الصراحة احسن قرار و هادي قصة حتى رانيا لي بغات ياسين و لكن ولخا خلاها و بقات كتبغييه كملاات حياتها و عتابرات بلي حياتها مكتوقف عند تا شي حد باااش تجمعهوم الاقدار مرة اخرى "

#ععععععععععععععععععععععععععععععععععععععععععععع

 

تعديل المقال